Тармақ 1. Шекарадағы оқыс оқиғаларды бірлесіп тергеп-тексеру (бұдан әрі - бірлесіп тергеп-тексеру) мемлекеттік шекара режимін бұзуға немесе бір немесе екі Тарап мемлекеттеріне де материалдық немесе өзге де нұқсан келтіруге байланысты шекарадағы оқыс оқиғаларға қатысты жүргізіледі.
Тармақ 2. Бірлесіп тергеп-тексерулерді шекара өкілдерінің кездесу пункттерінде немесе тікелей шекарадағы оқыс оқиға орнында шекара өкілдері (шекара комиссарлары) жүргізеді.
Тармақ 3. Осындай жағдайларда шекарадағы оқыс оқиғаларды реттеуге шекара өкілдерінің (шекара комиссарларының) бірлесіп шешімдер қабылдай отырып, салдары мен себептерін жою, кінәлі адамдарды жауаптылыққа тарту және осы Келісімнің талаптарына сәйкес тәртіпті қалпына келтіру бойынша бірлескен шараларды айқындай және қабылдай отырып, бірлесіп тергеп-тексерулер нәтижелерін қарауы арқылы қол жеткізіледі.
Тармақ 4. Бірлесіп тергеп-тексерулер нәтижелерін қарау кезінде шекарадағы оқыс оқиғаны реттеу бойынша шекара өкілдерінің (шекара комиссарларының) ортақ көзқарасын көрсететін шешімдер қабылданады және шекарадағы оқыс оқиғаны бірлесіп тергеп-тексеру актісі (бұдан әрі - бірлесіп тергеп-тексеру актісі) жасалады.