Бап 38 О ратификации Соглашения между Правительством РК и Правительством Туркменистана о режиме казахстанско-туркменской государственной границы

Тармақ 1. Аумағында бірлесіп тергеп-тексеру жүргізілетін Тарап мемлекетінің шекара өкілі (шекара комиссары) белгіленген уақытта екінші Тарап мемлекетінің шекара өкілін (шекара комиссарын) бірлесіп тергеп-тексеру жүргізілетін ауданда қарсы алады.

Тармақ 2. Шекарадағы оқыс оқиғаның сипаты мен мән-жайларына қарай бірлесіп тергеп-тексеру барысында:

• 1) шекарадағы оқыс оқиғаның орнын қарап-тексеру актісі;
• 2) сараптама актілері;
• 3) куәларға, жәбірленушілерге және ұсталған (кінәлі) адамдарға сауал кою (бірлесіп сауал қою) хаттамалары;
• 4) жойылған немесе бүлінген мүлікті бағалау актілері;
• 5) шекара белгілерін бірлесіп қарап-тексеру актілері жасалады.
• 6) Барлық құжаттар екі данада, әрқайсысы орыс тілінде жасалады, оған шекара өкілдері (шекара комиссарлары) және бірлесіп тергеп-тексерудің барлық қатысушылары қол қояды (шекара өкілдерінің (шекара комиссарларының) сарапшылары қол қоятын сараптама актілерінен басқасы).
• 7) Шекарадағы оқыс оқиға орнын қарап-тексеру актісінде: құжаттың атауы, қарап-тексерудің басталу және аяқталу уақыты, карап-тексеруге қатысқан адамдардың құрамы, нәтижелері (табылған іздер, адамдардың мәйіттері немесе жануарлардың өлексесі, қару-жарақтар, гильзалар, басқа да заттар, олардың тиесілігі, шекара белгілеріне қатысты орналасқан жері, шекарада орын алған оқыс оқиғаға қатыстылығы), тұжырымдар көрсетіледі.
• 8) Актіге шекарадағы оқыс оқиғаның табылған заттай дәлелдемелерінің орналасқан жері нақты көрсетіле отырып, жергілікті жердің схемасы қоса беріледі.
• 9) Сараптама актісінде: сараптама жүргізу орны, уақыты, күні мен негіздемесі, шекара өкілдері (шекара комиссарлары) сарапшыларының құрамы, сараптама барысында не анықталғаны, қорытынды, жасалған акт даналарының саны, акт жасаған сарапшылардың қолтаңбалары көрсетіледі.
• 10) Шекара белгілерін бірлесіп қарап-тексеру актісі еркін нысанда жасалады, онда оның қарап-тексерілген және жасалған орны, уақыты, күні, шекара белгілерін бірлесіп қарап-тексеру негіздемесі, қарап-тексеру нәтижелері, шекара белгілерін жөндеу, қалпына келтіру, бұрынғы орнына қайтадан орнату немесе басқа жерге қайта орнату бойынша ұсыныстар көрсетіледі.

Тармақ 3. Шекарадағы оқыс оқиғаның барлық мән-жайлары анықталған және бірлесіп тергеп-тексеру барысында оны шешу туралы шаралар қабылдаған кезде, шекара өкілдері (шекара комиссарлары) оны реттеу туралы бірлескен шешім қабылдайды, ол бірлесіп тергеп-тексеру актісімен ресімделеді.

Тармақ 4. Бірлесіп жүргізілген тергеп-тексеру барысында шекарадағы оқыс оқиғаның анықталған мән-жайлары жеткіліксіз болған кезде оларды анықтау үшін қосымша іс-шаралар жүргізіледі, олардың нәтижелері бойынша шекарадағы оқыс оқиғаны реттеу бойынша шекара өкілдерінің (шекара комиссарларының) бірлескен отырысы (бұдан әрі - бірлескен отырыс) тағайындалады.