Тармақ 1. Кедендік транзиттің кедендік рәсіміне сәйкес тауарларды тасымалдау (тасу) кезінде кедендік және өзге де төлемдерді төлеу жөніндегі міндеттің орындалуын бас қамтамасыз етуді пайдалану кезінде электрондық құжат түріндегі қамтамасыз ету сертификаты, сондай-ақ нақты транзиттік декларация бойынша тасымалданатын (тасылатын) тауарларға қатысты кедендік және өзге де төлемдерді төлеу жөніндегі міндеттің орындалуын қамтамасыз етуді пайдалану мүмкіндігі туралы мәліметтер (бұдан әрі - қамтамасыз етуді пайдалану мүмкіндігі туралы мәліметтер) жөнелтуші кеден органы үшін кедендік және өзге де төлемдерді төлеу жөніндегі міндеттің орындалуын қамтамасыз етудің берілгенін растау болып табылады.
Тармақ 2. Қамтамасыз ету сомасын резервтеуді және оны резервтен шығаруды (пайдалануға тыйым салуды алып тастауды) кеден органына кедендік және өзге де төлемдерді төлеу жөніндегі міндеттің орындалуын бас қамтамасыз ету берілген мүше мемлекеттің кеден органы жүргізеді.
Тармақ 3. Барлық тіркелген және өтелмеген қамтамасыз ету сертификаттарының жалпы сомасын бақылауды кеден органына кедендік және өзге де төлемдерді төлеу жөніндегі міндеттің орындалуын бас қамтамасыз ету берілген мүше мемлекеттің кеден органы кеден органының ақпараттық жүйесін пайдалана отырып жүзеге асырады.