Тармақ 1. Семей ядролық қауіпсіздік аймағы стратегиялық объектілерінің күзетілуін қамтамасыз етуді Қазақстан Республикасының заңнамасына сәйкес мемлекеттік органдар, ішкі істер органдарының мамандандырылған күзет бөлімшелері, Қазақстан Республикасының басқа да әскерлері мен әскери құралымдары жүзеге асыра алады.
Тармақ 2. Уәкілетті ұйым Семей ядролық қауіпсіздік аймағының стратегиялық объектілерін мемлекеттік күзетуді жүзеге асыратын субъектілермен өзара іс-қимылды жүзеге асырады.
Тармақ 3. Семей ядролық қауіпсіздік аймағы стратегиялық объектілерінің физикалық қорғалуын қамтамасыз ету тәртібі мемлекеттік күзетілуге жататын объектілердің инженерлік-техникалық тұрғыдан нығайтылуы жөніндегі талаптарда айқындалады.