Тармақ 1. Берілетін ақпараттың құрамы осы Келісімнің ажырамас бөлігі болып табылатын оған қосымшаға сәйкес қалыптастырылады.
Тармақ 2. ААКБРО қолданылатын сыртқы экономикалық қызметті жүзеге асыратын тұлғалардың (сыртқы экономикалық қызметке қатысушылардың) тауарлары бойынша ақпарат алмасу онлайн режимінде жүзеге асырылады.
Тармақ 3. Тараптардың кеден органдары осы Келісімге күшіне енгеннен кейін 6 (алты) ай ішінде ААКБРО-ны іске асыру үшін ақпарат алмасудың техникалық шарттарың әзірлейді және пилоттық жобаны іске асыруға кіріседі.
Тармақ 4. ААКБРО барлық көлік түрлеріне және барлық тауар түрлеріне қолданылатын кең таралған практиканы білдіреді.
Тармақ 5. Пилоттық жоба аяқталғаннан кейін Тараптардың кеден органдары тұрақты негізде ақпарат алмасуға кіріседі.
Тармақ 6. ААКБРО сыртқы экономикалық қызметті жүзеге асыратын Қазақстанның және Түркияның тұлғаларына (сыртқы экономикалық қызметке қатысушыларға) қатысты олардың келісуімен қолданылады.
Тармақ 7. Тараптардың кеден органдары осы Келісімге қатысты ААКБРО-ға қатыспайтын, сыртқы экономикалық қызметті жүзеге асыратын тұлғаларға (сыртқы экономикалық қызметке қатысушыларға) қатысты осы Келісімнің ерікті сипатына нұқсан келтіруі мүмкін қарама-қайшылықтардан аулақ болады.
Тармақ 8. ААКБРО айқын, болжамды және кемсітпейтін болып табылады. ААКБРО-ны іске асыру практикасы жосықсыз бәсекелестіктің туындауына әкеп соқпайды.