Тармақ 1. Сұрау салынатын Уағдаласушы мемлекет осы Шарттың ережелеріне және өзінің ішкі заңнамасына сәйкес ұстап беру туралы сұрау салу бойынша шешім қабылдайды және өзінің шешімі туралы Сұрау салушы Уағдаласушы мемлекетке дереу хабарлайды.
Тармақ 2. Егер Сұрау салынатын Уағдаласушы мемлекет ұстап беру туралы сұрау салуды қанағаттандырудан толық немесе ішінара бас тартса, ол ез шешімін негіздеуге тиіс.
Тармақ 3. Ұстап беруден формалды негіздер бойынша бас тартылған жағдайда, Сұрау салушы Уағдаласушы мемлекет ұстап беру туралы жаңа сұрау салуды жолдауға құқылы. Ұстап беру туралы жаңа сұрау салу жолдаған кезде бұл формалдылықтар ескерілуге тиіс, Өтініштер бойынша сот шешімі негізінде ұстап беруден бас тартуларға осы ереже қолданылмайды.
Тармақ 4. Сұрау салынатын Уағдаласушы мемлекет өзінің ұлттық заңнамасына сәйкес Сұрау салушы Уағдаласушы мемлекеттен алдын ала қамаққа алу туралы сұрау салуды алғаннан кейін, егер іздестіріліп жатқан адам Сұрау салынатын Уағдаласушы мемлекеттің құзыретті органына оны ұстап беруге ерікті түрде келіссе, іздестіріліп жатқан адамды ұстап беруді қанағаттандырады. Мұндай келісімнің күші жойылуға жатпайды.