Бап 12 О ратификации Договора между Республикой Казахстан и Республикой Кипр о выдаче

Тармақ 1. Сұрау салушы Уағдаласушы мемлекеттің алдын ала қамаққа алу туралы сұрау салуы шұғыл болған жағдайда, ұстап беру туралы сұрау салуды алғанға дейін Сұрау салынатын Уағдаласушы мемлекеттің құзыретті органдары іздестіріліп жатқан адамды қамаққа алуы мүмкін.

Тармақ 2. Алдын ала қамаққа алу туралы сұрау салу орталық орган дар арасында тікелей не Халықаралық қылмыстық полиция ұйымының (ИНТЕРПОЛ) жәрдемдесуі арқылы жолданылуы мүмкін және электрондық байланыс құралдарын пайдалану арқылы берілуі мүмкін. Сұрау салудың түпнұсқасы бір мезгілде поштамен жолдануға тиіс.

Тармақ 3. Алдын ала қамаққа алу туралы сұрау салу:

• 1) a) сәйкестендіру деректері мен оның азаматтығы туралы мәліметтерді қоса алғанда, іздестіріліп жатқан адамның сипаттамасын;
• 2) b) егер белгілі болса, оның орналасқан жері туралы мәліметтерді;
• 3) c) қылмыстың қысқаша сипаттамасын, оның жасалу уақыты мен орнын;
• 4) d) қылмыстық заңның қолданылатын ережелерін;
• 5) e) іздестіріліп жатқан адамға қатысты қамаққа алу туралы сот шешімінің не ордердің немесе қолда бар үкімнің бар екені туралы растаманы; және
• 6) f) іздестіріліп жатқан адамды ұстап беру туралы сұрау салудың қысқа уақытта ұсынылатынына кепілдемені қамтуға тиіс.

Тармақ 4. Сұрау салынатын Уағдаласушы мемлекет Сұрау салушы Уағдаласушы мемлекетке оның сұрау салуының қарау нәтижелері туралы дереу хабарлайды.

Тармақ 5. Егер қамаққа алынған күннен бастап отыз (30) тәулік өткеннен кейін Сұрау салынатын Уағдаласушы мемлекеттің орталық органы ұстап беру туралы сұрау салуды және осы Шарттың 7-бабында көрсетілген құжаттарды алмаса, қамаққа алынған адам босатылуға жатады. Сұрау салушы Уағдаласушы мемлекеттің сұрау салуы бойынша бұл мерзім қырық бес (45) тәулікке дейін ұзартылуы мүмкін.