Тармақ 1. Осы Шарт тараптардың әрқайсысының ішкі рәсімдеріне сәйкес ратификациялауға жатады.
Тармақ 2. Осы Шарт белгіленбеген мерзімге жасалады және Уағдаласушы мемлекеттердің оның күшіне енуі үшін қажетті рәсімдерді орындағаны туралы соңғы хабарлама дипломатиялық арналар арқылы алынған күннен бастап күшіне енеді.
Тармақ 3. Осы Шартқа Уағдаласушы мемлекеттердің өзара келісуі бойынша оның ажырамас бөліктері болып табылатын, жеке хаттамалармен ресімделетін және осы баптың 2-тармағында көзделген тәртіппен күшіне енетін өзгерістер мен толықтырулар енгізілуі мүмкін.
Тармақ 4. Осы Шарт Уағдаласушы мемлекеттердің бірі екінші Уағдаласушы мемлекеттің осы Шарттың қолданысын тоқтату ниеті туралы жазбаша хабарламасын дипломатиялық арналар арқылы алған күннен бастап бір жүз сексен (180) тәулік өткеннен соң өз қолданысын тоқтатады.
Тармақ 5. Осы Шарттың қолданысы тоқтатылған жағдайда, оның қолданылу кезеңінде басталған ұстап беру бойынша кез келген рәсімдер олардың толық орындалғанына дейін күшінде қалады.