Бап 7 О ратификации Договора между Республикой Казахстан и Республикой Кипр о выдаче

Тармақ 1. Ұстап беру туралы сұрау салу жазбаша нысанда жасалады және мыналарды:

• 1) a) іздестіріліп жатқан адамның аты мен тегін, туған күнін, жынысын, азаматтығын, жеке басын куәландыратын құжат туралы мәліметтерін және оның жеке басын және орналасқан жерін сәйкестендіруге септігін тигізуі мүмкін кез келген басқа да ақпаратты, сондай-ақ бар болса, тану деректерін, фотосуреттерді және саусақ іздерін;
• 2) b) қылмыс жасалған күнді және орнын көрсете отырып, оған байланысты ұстап беру сұратылып жатқан қылмыстың мән-жайлары туралы ақпаратты;
• 3) c) оған байланысты ұстап беру сұратылып жатқан қылмысты саралайтын және осындай қылмыс үшін жазаны көздейтін тиісті заңның мәтінін;
• 4) d) қылмыстық қудалаудың немесе жазаны орындаудың мерзімін шектеуге қатысты тиісті заңның мәтінін және осыған байланысты ұстап беру сұратылып жатқан қылмысқа қатысты қолданылуы жөніндегі ақпаратты;
• 5) e) осыған байланысты ұстап беру сұратылып жатқан қылмыс Сұрау салушы Уағдаласушы мемлекеттің аумағынан тыс жерде жасалғанда, Сұрау салушы Уағдаласушы мемлекеттің юрисдикциясын көздейтін тиісті заңның мәтінін қамтиды.

Тармақ 2. Осы баптың 1-тармағының ережелеріне қосымша ұстап беру туралы сұрау салуға:

• 1) a) егер сұрау салу қылмыстық қудалауға байланысты болса, қамаққа алу ордерінің немесе Сұрау салушы Уағдаласушы мемлекеттің заңнамасына сәйкес берілген және оның құзыретті органы куәландырған осындай күші бар басқа қаулының түпнұсқасы немесе көшірмесі;
• 2) b) егер сұрау салу үкімді орындауға байланысты болса, Сұрау салушы Уағдаласушы мемлекеттің құзыретті органы куәландырған заңды күшіне енген сот үкімінің көшірмесі және жаза өтелген және әлі өтелуі тиіс кезеңі көрсетілген құжат қоса беріледі.

Тармақ 3. Егер адам сырттай сотталған болса, егер Сұрау салушы Уағдаласушы мемлекет Сұрау салынатын Уағдаласушы мемлекетке осы адамға оның қорғалуға құқығын қамтамасыз ету мақсатында қорғау құқығына кепілдік беретін қайта сот талқылауына құқығы бар екендігіне кепілдік берсе, ұстап беру қанағаттандырылуы мүмкін.