Тармақ 1. Компанияның қызметіне ревизия жасауды директорлар кеңесі 4 жыл мерзімге бекітетін Компанияның ревизиялық комиссиясы жүзеге асырады. Компанияның ревизиялық комиссиясының құрамына ревизиялық комиссиясының төрағасы және оның мүшелері кіреді.
Тармақ 2. Компанияның ревизиялық комиссиясының төрағасы мен мүшелері Компанияда ешқандай лауазымдарды атқара алмайды.
Тармақ 3. Ревизияларды ұйымдастыру мен жүргізу тәртібін директорлар кеңесі айқындайды.
Тармақ 4. Басқарма төрағасы ревизия жасауды жүзеге асыру үшін қажетті барлық материалдарды Компанияның ревизиялық комиссиясына иелікке береді.
Тармақ 5. Компанияның ревизиялық комиссиясының есептері директорлар кеңесіне жылына кемінде 1 рет ұсынылады.