Тармақ 1. Армения Республикасы, Беларусь Республикасы, Қазақстан Республикасы, Қырғыз Республикасы және Ресей Федерациясы өз үкіметтері атынан Компанияның құрылтайшылары болып табылады.
Тармақ 2. Компания құрылтайшылары осы Жарғының 6-бабына сәйкес өзінің Компанияға қатысу үлесін төлегеннен кейін оның қатысушылары болады.
Тармақ 3. Осы Жарғыға сәйкес басқарушылар кеңесі жаңа мемлекет Келісімге қосылғаннан кейін және ол басқарушылар кеңесі белгілеген тәртіппен Компанияға қатысу үлесін төлегеннен соң оның Компанияға кіруі туралы шешім қабылдайды.
Тармақ 4. Халықаралық қаржы ұйымының Компанияға кіруі туралы шешімді басқарушылар кеңесі осы Жарғыға сәйкес басқарушылар кеңесі белгілеген тәртіппен осындай халықаралық қаржы ұйымы Компанияға қатысу үлесін төлегеннен кейін қабылдайды.
Тармақ 5. Компания құрылтайшылары болып табылатын мемлекеттер және осы баптың 3-тармағына сәйкес Компанияға кірген мемлекеттер қатысушы мемлекеттер деп түсініледі.
Тармақ 6. Қатысушы мемлекеттер, сондай-ақ осы баптың 4-тармағына сәйкес Компанияға кірген халықаралық қаржы ұйымдары қатысушылар деп түсініледі.