Бап 28 О ратификации Соглашения об осуществлении аудиторской деятельности в рамках Евразийского экономического союза

Тармақ 1. Мүше мемлекет мүше мемлекеттің аудиторлық қызмет туралы заңнамасының, аудиторлық қызмет стандарттарының талаптарын, аудиторлардың тәуелсіздігі мен кәсіптік әдебіне қойылатын талаптарды бұзуға жол берген аудиторлық ұйымға, жеке аудиторға, аудиторға қатысты ықпал ету шараларын (бұдан әрі - ықпал ету шаралары) қолдануға уәкілетті органдардың осындай шараларды қолдануын қамтамасыз етеді.

Тармақ 2. Ықпал ету шараларын бұзушылық анықталған мүше мемлекеттің аудиторлық ұйымына, жеке аудиторына, аудиторына қатысты ықпал ету шараларын қолдануға уәкілетті орган осы мемлекеттің заңнамасына сәйкес қолданады.

Тармақ 3. Мүше мемлекет ықпал ету шараларын және оларды қолдану тәртібін айқындайды. Бір мүше мемлекеттің екінші мүше мемлекеттің аумағында аудиторлық қызметті жүзеге асыратын аудиторлық ұйымдарына, жеке аудиторларына осы екінші мүше мемлекеттің заңнамасында көзделген барлық ықпал ету шаралары қолданылады.

Тармақ 4. Мүше мемлекет ықпал ету шараларын айқындау кезінде кемінде мынадай мән-жайлардың ескерілуін қамтамасыз етеді:

• 1) а) жол берілген бұзушылықтың сипаты (оның ішінде жүйелілігі), қасақаналығы және ауырлық дәрежесі;
• 2) б) жол берілген бұзушылықтың ауырлығына ықпал ету шараларының сәйкестігі;
• 3) в) аудиторлық ұйымдардың, жеке аудиторлардың, аудиторлардың құқықтары мен заңды мүделерін негізсіз шектеуге жол бермеу;
• 4) г) жағымсыз салдардың басталуы (басталу қаупі);
• 5) д) бухгалтерлік (қаржылық) есептілікті пайдаланушыларға, аудиторлық ұйым, жеке аудитор көрсететін қызметтерді пайдаланушыларға, өзге де тұлғаларға келтірілген зиянды (залалды) өтеу.

Тармақ 5. Мүше мемлекет қолданылатын ықпал ету шаралары туралы ақпараттың ашылуын қамтамасыз етеді.