Бап 7 О ратификации Соглашения об осуществлении аудиторской деятельности в рамках Евразийского экономического союза

Тармақ 1. Біліктілік емтиханы аудиторлық қызметті жүзеге асыруға қатысқысы келетін жеке тұлғаның кәсіби біліктілігін тексеру мақсатында жүргізіледі.

Тармақ 2. Біліктілік емтиханын тапсыру аудиторлық қызметті жүзеге асыруға қатысы бар салалардағы теориялық білімнің қажетті деңгейін және аудиторлық қызметті жүзеге асыруға қатысқысы келетін жеке тұлғаның аталған білімді практикалық жұмыста пайдалану қабілетін растауға тиіс.

Тармақ 3. Теориялық білім деңгейін тексеру мынадай салаларда жүргізілуге тиіс:

• 1) а) аудиторлық қызмет;
• 2) б) мүше мемлекеттің аудиторлық қызмет туралы заңнамасы;
• 3) в) мүше мемлекеттің бухгалтерлік есеп туралы заңнамасы;
• 4) г) қаржылық есептіліктің халықаралық стандарттары;
• 5) д) аудиторлық қызметтің халықаралық стандарттары;
• 6) е) тәуекелдерді басқару, жұмыс сапасын ішкі бақылау;
• 7) ж) басқарушылық есеп;
• 8) з) кәсіптік әдеп және аудиторлардың тәуелсіздігі;
• 9) и) бухгалтерлік есеп теориясы;
• 10) к) қаржылық талдау;
• 11) л) қаржылық есеп.

Тармақ 4. Теориялық білім деңгейін тексеру мынадай салаларда да (мұндай салалар аудиторлық қызметті жүзеге асырумен байланысты шамада) жүргізілуге тиіс:

• 1) а) ақпараттық технологиялар және компьютерлік жүйелер;
• 2) б) математика, статистика;
• 3) в) мүше мемлекеттің салық, азаматтық, еңбек заңнамасы, сондай-ақ мүше мемлекеттің дәрменсіздік (банкроттық) туралы заңнамасы;
• 4) г) жалпы экономикалық теория, қаржы, микроэкономика;
• 5) д) ұйымның қаржысын басқарудың негізгі қағидаттары.

Тармақ 5. Мүше мемлекет:

• 1) а) біліктілік емтиханын өткізу тәртібін, оның ішінде үміткердің біліктілік емтиханына қатысуын көздейтін тәртіпті, сондай-ақ біліктілік емтиханының нәтижелерін айқындау тәртібін белгілейді. Біліктілік емтиханының кем дегенде бір бөлігі жазбаша нысанда немесе электрондық түрде (тестілеу нысанында және т. б.) өткізілуге тиіс;
• 2) б) біліктілік емтиханын өткізуді жүзеге асыратын органды (органдарды) айқындайды. Біліктілік емтиханын өткізуді жүзеге асыратын органдар мүше мемлекеттің мемлекеттік органдары, аудиторлардың кәсіби бірлестіктері (өзін-өзі реттейтін ұйымдар), осы мақсаттар үшін арнайы құрылған ұйымдар болуы мүмкін;
• 3) в) аудитордың біліктілік аттестатын (куәлігін, сертификатын) беру тәртібін белгілейді;
• 4) г) аудитор ретінде аудиторлық қызметті жүзеге асыруға қатысу құқығын алуға үміткер жеке тұлға үшін жоғары білім мамандықтарының тізбесін белгілеуге құқылы;
• 5) д) осы баптың 3 және 4-тармақтарында көрсетілген, халықаралық аттестаты (куәлігі, сертификаты, дипломы) бар салаларда білімін тексеруден босату тәртібін белгілеуге құқылы;
• 6) е) аудитор ретінде аудиторлық қызметті жүзеге асыруға қатысу құқығын алуға үміткер жеке тұлға оқудан өткен жоғары білімнің білім беру бағдарламаларына қойылатын талаптарын белгілеуге құқылы.

Тармақ 6. Бір мүше мемлекетте берілген аудитордың біліктілік аттестаты (куәлігі, сертификаты) басқа мүше мемлекеттерде жарамды және мерзімсіз болып табылады немесе оның қолданылу мерзімі аяқталатын күнге дейін (егер мұндай мерзім белгіленген жағдайда) қолданылады.