Тармақ 1. Агломерация аумағындағы жергілікті маңызы бар мәселелерді бірлесіп шешу туралы келісім уәкілетті орган белгілеген және осы Заңда белгіленген талаптар ескеріле отырып жасалады.
Тармақ 2. Агломерация аумағындағы жергілікті маңызы бар мәселелерді бірлесіп шешу туралы келісімді дайындау және жасасу Қазақстан Республикасының Азаматтық кодексіне және Қазақстан Республикасының заңнамасына сәйкес реттеледі.
Тармақ 3. Агломерация аумағындағы жергілікті маңызы бар мәселелерді бірлесіп шешу туралы келісімге агломерацияға кіретін жергілікті атқарушы органдардың бірінші басшылары қол қояды.
Тармақ 4. Агломерация аумағындағы жергілікті маңызы бар мәселелерді бірлесіп шешу бойынша бір деңгейдегі жергілікті бюджеттердің бір-бірімен өзара қарым-қатынасы агломерация аумағында жергілікті маңызы бар мәселелерді бірлесіп шешу туралы келісім негізінде жүзеге асырылады және жаңа объектілер салу арқылы агломерацияны дамыту мақсаттарына жол беріледі.