Бап 9 О ратификации Соглашения между Правительством РК и Федеральным Советом Швейцарской Конфедерации по взаимному признанию пробирного клейма на изделиях из драгоценных металлов

Тармақ 1. Әрбір Тарап өзінің ұлттық заңнамасында екінші Тараптың сынамалық таңба бедерлерінің қолдан жасалуын немесе бұзылуын, сондай-ақ екінші Тараптың жауапты мемлекеттік органы және/немесе уәкілетті ұйымдары сынамалық таңба салғаннан кейін сынамалардың заңнамада белгіленген стандарттарының немесе дайындаушының сәйкестендіру белгісі бедерлерінің санкцияланбаған кез келген өзгерістерін немесе алып тасталуын болғызбау үшін барлық ықтимал шараларды қабылдайды.

Тармақ 2. Әрбір Тарап, егер оның жеткілікті дәлелдемелері болса немесе егер екінші Тарап:

• 1) a) екінші Тараптың сынамалық таңбасы қолдан жасалғанын немесе дұрыс пайдаланылмағанын;
• 2) b) сынамалық таңба салынғаннан кейін дайындаушымен келісусіз немесе сынама салынбай бұйымның өзгертілгенін;
• 3) c) дайындаушының сәйкестендіру белгісінің бедері өзгертілгенін немесе жойылғанын хабарласа, барлық ықтимал шараларды қабылдайды.