Тармақ 1. Осы Келісім мүше мемлекеттердің құқықтарына қысым жасамайды және осы Келісім күшіне енгенге дейін жасалған және өздері олардың қатысушылары болып табылатын басқа да халықаралық шарттардан, сондай-ақ олардың халықаралық ұйымдарға мүшелігінен туындайтын міндеттемелерін қозғамайды.
Тармақ 2. Осы Келісім мүше мемлекеттерге осы Келісімнің мақсаттары мен қағидаттарына қайшы келмейтін, Одақтың техникалық регламенттері қабылданбаған немесе күшіне енбеген өнімдермен сауда жасауға техникалық кедергілерді жою мәселелері жөнінде халықаралық шарттар жасасуға кедергі келтірмейді.
Тармақ 3. Мүше мемлекеттердің өзара келісуі бойынша осы Келісімге өзгерістер енгізілуі мүмкін, олар жекелеген хаттамалармен ресімделеді және осы Келісімнің ажырамас бөлігі болып табылады.
Тармақ 4. Осы Келісімді қолдануға және (немесе) түсіндіруге байланысты даулар Шартта айқындалған тәртіппен шешіледі.