Тармақ 1. Навигациялық пломба Комиссия айқындайтын жағдайларда қадағалау объектісін бақылауды тоқтатпай, мүше мемлекеттердің аумақтары арқылы жүру (тасымалдау) жолында алынуы мүмкін.
Тармақ 2. Қадағалау объектісін бақылауды тоқтатпай мүше мемлекеттердің аумақтары арқылы жүру (тасымалдау) жолында навигациялық пломбаларды алу және оларды кейіннен салу жөніндегі операцияларды, осындай алу кезінде тартылған ұлттық операторлардың, уәкілетті операторлардың (органдардың) және бақылаушы органдардың іс-қимылдарын және оларды жасау тәртібін Комиссия айқындайды.
Тармақ 3. Мүше мемлекеттердің аумақтары арқылы қадағалау объектісінің жүру (тасымалдау) жолында навигациялық пломбаны ауыстыруға жол берілетін жағдайларды, навигациялық пломбаны ауыстыру жөніндегі операцияларды, осындай ауыстыру кезінде тартылған ұлттық операторлардың, уәкілетті операторлардың (органдардың) және бақылаушы органдардың іс-қимылдарын және оларды жасау тәртібін Комиссия айқындайды.