Тармақ 1. Мүше мемлекеттердің аумақтары арқылы өтетін тасымалдауды қадағалауды ақпараттық жүйелерді пайдалана отырып, ұлттық операторлар қамтамасыз етеді.
Тармақ 2. Мүше мемлекеттердің заңнамасына сәйкес мүше мемлекеттердің аумақтары арқылы өтетін тасымалдауды қадағалауды қамтамасыз ету жөніндегі функциялар мүше мемлекеттердің мемлекеттік органдарына (ұйымдарына) жүктелуі мүмкін. Бұл жағдайда осы Келісімнің ұлттық операторларға қатысты ережелері осындай мемлекеттік органдарға (ұйымдарға) қолданылады.
Тармақ 3. Мүше мемлекет осы мемлекеттің бақылаушы органдарымен және екінші мүше мемлекеттердің уәкілетті операторларымен (органдарымен) өзара іс-қимыл жасауға уәкілетті ұлттық операторды немесе мүше мемлекеттің атқарушы билік органын (бұдан әрі - уәкілетті оператор (орган)) айқындайды және олар туралы Комиссияны хабардар етеді.
Тармақ 4. Мүше мемлекетте ұлттық операторлар мен осы мүше мемлекеттің уәкілетті операторы (органы) арасындағы өзара іс-қимылды жүзеге асыру тәртібі, сондай-ақ олар алмасатын мәліметтердің құрамы осы Келісімнің 12-бабы 2-тармағының ережелері ескеріле отырып, осы мүше мемлекеттің заңнамасында айқындалады.