Халықаралық құрамдастырылған тасымалдарды оңайлату
Тармақ 1. Уағдаласушы тараптар мемлекеттерінің аумақтарын қосатын теміржол желілерінде тоғысу және транзиттік көрсетілетін қызметтерді қамтамасыз ету үшін, атап айтқанда "РО-ЛА" халықаралық блок-контейнерлік поездары (теміржол платформаларында жол көлік құралдарын контрейлерлік тасымалдау), "РО-РО" (кемеде автомобиль көлік құралдарын тасымалдау), фидерлік кемелер және теміржол-паромдық операциялар үшін Уағдаласушы тараптар күш-жігерін жұмсайды.
Тармақ 2. Уағдаласушы тараптар өз мемлекеттерінің аумағына пойыздар үшін кедендік рәсімдерді жеделдету мақсатында алдын ала алмасуды қамтамасыз етеді. Мұндай алдын ала алмасудың шарттары рәсімін Бірлескен комитет айқындауға тиіс.
Тармақ 3. Уағдаласушы тараптар пойыздарды шекара арқылы өткізу кезінде өзара іс-қимыл жағдайларын жеделдету үшін мемлекеттік шекараны кесіп өту тиісті құралдарды және олармен байланысты құрылысжайларды ұсынады.
Тармақ 4. Осы Келісімнің мақсаттары үшін құрамдастырылған тасымалдарды жеңілдету және көтермелеу мақсатында Бірлескен комитет айқындайтын шарттарда Каспий теңізі арқылы құрамдастырылған тасымалға қатысатын жол көлік құралдары үшін транзитке арнайы рұқсат берілуі мүмкін.
Тармақ 5. Уағдаласушы тараптар, егер Каспий теңізі арқылы құрамдастырылған тасымалдарға Уағдаласушы тараптардың автомобиль көлік құралдары пайдаланылса, халықаралық кедендік транзит рәсімдерін жеделдетуге және жеңілдетуге ұмтылатын болады.
Тармақ 6. Уағдаласушы тараптар халықаралық құрамдастырылған тасымалдарға қатысатын көлік құралдарының жүргізушілеріне визалар беруді жеңілдету мақсатында Уағдаласушы тараптар мемлекеттерінің ұлттық заңнамаларына сәйкес көп мәртелік кіру визаларын оңайлатып беруді жүзеге асырады.
Тармақ 7. Уағдаласушы тараптар жүктерді тасымалдау кезіндегі рәсімдерге қатысты цифрлық технологияларды көтермелейді және оларды енгізу жөнінде шаралар қабылдайды. Мұндай шараларды Бірлескен комитет әзірлеуге тиіс.