Тармақ 1. Толық бітіріп берілетін құрылыс туралы шарт объектілерді салу үшін жасалуы мүмкін, олардың тізбесін облыстардың, республикалық маңызы бар қалалардың және астананың мәслихаттары бекітеді.
Тармақ 2. Толық бітіріп берілетін құрылыс туралы шартты жасасу мақсатында тапсырыс беруші конкурс тәсілімен мемлекеттік сатып алуды жүзеге асырады.
Тармақ 3. Пайдалануға берілген күрделі құрылыс объектісі толық бітіріп берілетін құрылыс туралы шарт бойынша орындалған жұмыстың нәтижесі болып табылады.
Тармақ 4. Толық бітіріп берілетін құрылыс туралы шартты жасаудың және іске асырудың өзге де ерекшеліктері осы Заңда, мемлекеттік сатып алу қағидаларында және шарттың ережелерінде айқындалады.