Тармақ 1. Егер тапсырыс берушінің, ұйымдастырушының, бірыңғай ұйымдастырушының, сараптама комиссиясының (сарапшының) әрекеттері (әрекетсіздігі), шешімдері әлеуетті өнім берушінің құқықтары мен заңды мүдделерін бұзса, әлеуетті өнім беруші конкурс, аукцион тәсілімен мемлекеттік сатып алудың қорытындылары туралы хаттама орналастырылған күннен бастап үш жұмыс күні ішінде олардың әрекеттеріне (әрекетсіздігіне), шешімдеріне веб-портал арқылы шағым жасауға құқылы.
Тармақ 2. Тапсырыс беруші, ұйымдастырушы, бірыңғай ұйымдастырушы осы баптың 1-тармағында көзделген шағымды беру мерзімі өткен күннен кейін үш жұмыс күні ішінде шағымды қанағаттандыру не қанағаттандырудан бас тарту туралы шешім қабылдайды.
Тармақ 3. Тапсырыс берушінің, ұйымдастырушының, бірыңғай ұйымдастырушының шағымды қарау нәтижелері бойынша қабылдаған шешіміне Қазақстан Республикасының заңнамасына сәйкес сотқа шағым жасалуы мүмкін.
Тармақ 4. Шағымдарды беру және қарау тәртібі мемлекеттік сатып алуды жүзеге асыру қағидаларында айқындалады.
Тармақ 5. Шағымды веб-портал арқылы жіберу және қарау жөніндегі талаптар ерекше тәртіп қолданылатын мемлекеттік сатып алуға қолданылмайды.
Тармақ 6. Осы бапта көзделген дауларды сотқа дейінгі реттеу тәртібі міндетті болып табылады.
Тармақ 7. Мемлекеттік сатып алудың жеңімпазын веб-портал автоматты түрде айқындайтын мемлекеттік сатып алудың қорытындыларына осы бапта көзделген тәртіппен шағым жасауға болмайды.