Тармақ 1. Алмасатын ақпараттың мазмұны осы Келісімнің ажырамас бөлігі болып табылатын осы Келісімге қосымшаға сәйкес қалыптастырылады.
Тармақ 2. Ақпарат алмасу ОКД пайдаланатын сауда операторлары жүзеге асыратын жүктер бойынша және ерікті негізде жүзеге асырылуға тиіс.
Тармақ 3. Ақпарат алмасудың техникалық шарттарын Тараптар мемлекеттерінің кеден органдары осы Келісімге қол қойылғаннан кейін 6 (алты) ай ішінде әзірлеуге және бекітуге тиіс.
Тармақ 4. ОКД көліктің барлық түріне және жүктердің барлық түріне қолданылатын жалпы қабылданған практика болуға тиіс.
Тармақ 5. Тараптар мемлекеттерінің кеден органдары ОКД-ға қатыспайтын компанияларға қатысты осы регламенттің ерікті сипатына нұқсан келтіруі мүмкін осы Келісімге қайшылықтардан аулақ болуға тиіс.
Тармақ 6. ОКД ашық, болжамды және кемсітусіз болуға тиіс. ОКД практикасы қандай да бір жосықсыз бәсекелестікке әкелмеуге тиіс.