Бап 7 О ратификации Соглашения между правительствами государств – членов Организации тюркских государств о создании упрощенного таможенного коридора

Тармақ 1. Осы Келісімде көзделген ақпарат алмасу технологияларын әзірлеу мақсатында Тараптар мемлекеттерінің кеден органдары осы Келісім күшіне енгеннен кейін ұзақтығы 6 (алты) ай болатын Пилоттық жобаны ұйымдастырады және жүзеге асырады, ол Тараптар мемлекеттерінің кеден органдарының жазбаша келісуі негізінде ұзартылуы мүмкін.

Тармақ 2. Пилоттық жобаның алғашқы 3 (үш) айы ішінде Тараптар мемлекеттерінің кеден органдары:

• 1) a) ақпарат алмасудың негізгі техникалық шарттарын;
• 2) b) берілетін деректердің тізбесін, құрылымы мен форматын;
• 3) c) ақпараттық қауіпсіздікке қойылатын талаптарды;
• 4) d) ОҚД рәсімі шеңберінде Тараптар мемлекеттерінің кеден органдары арасындағы ынтымақтастықты ұйымдастыру тәртібін келісуге тиіс;
• 5) e) Тараптар мемлекеттерінің кеден органдары өздерінің тиісті әкімшіліктерінің кеден органдарын айқындайды, оларда ОҚД-ға сәйкес тасымалданатын тауарлармен кедендік операциялар жүзеге асырылуға тиіс.

Тармақ 3. Тараптар мемлекеттерінің кеден органдары Пилоттық жобаны бастауға өздерінің дайын екендігі туралы бір-біріне және жобаға қатысатын кеден органдарына жазбаша хабар береді.

Тармақ 4. Келесі 3 (үш) ай ішінде Тараптар ОКД-ны практикалық тұрғыдан іске асыруды орындауға тиіс.