Бап 7 О ратификации Договора между Республикой Казахстан и Социалистической Республикой Вьетнам о передаче осужденных лиц

Тармақ 1. Бір Тараптан беру туралы сұрау салу түскен және егер екінші Тарап одан бас тартпаған жағдайда Беруші Тарап Қабылдаушы Тарапқа мынадай мәліметтерді береді:

• 1) (a) сұрау салудың күні мен орны;
• 2) (b) сотталған адамды беру туралы сұрау салудың себебі;
• 3) (c) сұрау салатын органның атауы мен мекенжайы;
• 4) (d) сұрау салынатын органның атауы мен мекенжайы;
• 5) (e) беру үшін сұрау салынып отырған сотталған адамның Т.А.Ә., жынысы, туған күні мен туған жері, азаматтығы және соңғы тұрақты тұрғылықты жері.

Тармақ 2. Сотталған адамды беру туралы сұрау салуға қосымша:

• 1) (a) үкім шығаруға негіз болған ұлттық заңнаманың тиісті ережелерін қоса алғанда, заңды күшіне енген үкімнің куәландырылған көшірмесі;
• 2) (b) жазаның түрі мен мерзімі, сондай-ақ оның басталу күні көрсетілген мәліметтер;
• 3) (c) сотқа дейінгі ұстау мерзімін қоса алғанда, жаза бөліктерінің өтелген және өтелуге тиіс мерзімдері туралы мәліметтер, үкімді өзгерту туралы мәліметтер және үкімді орындауға келтіру үшін маңызы бар өзге де мәліметтер;
• 4) (d) осы Шарттың 4-бабы 1-тармағының (е) тармақшасында көзделген беруге жазбаша келісім;
• 5) (e) сотталған адамның денсаулық жағдайы туралы ақпарат;
• 6) (f) адамның жазасын өтеу кезіндегі мінез-құлқын сипаттайтын мәліметтер;
• 7) (g) сотталған адамның осы Шарттың 4-бабында жазылған талаптарға сәйкес келетінін растайтын құжаттар;
• 8) (h) беру үшін сұрау салынып отырған сотталған адамның мінездемелері мен фотосуреті бар құжаттар бірге берілуге тиіс.

Тармақ 3. Қабылдаушы Тарап Беруші Тарапқа мынадай құжаттарды береді:

• 1) (a) сотталған адамның Қабылдаушы Тараптың азаматы болып табылатынын растайтын құжаттар;
• 2) (b) сотталған адамға қатысты үкім шығаруға негіз болған қылмыстың қылмыстық жазаланатын қылмыс болып табылатынын куәландыратын Қабылдаушы Тарап заңының баптары;
• 3) (c) Беруші Тарап шығарған үкімнің Қабылдаушы Тараптың ұлттық заңнамасы бойынша орындалу тәртібі туралы мәліметтер.