Тармақ 1. Қоймалық куәлік бойынша сақтауға қабылданған ауыл шаруашылығы өнімі, өзінің сақталу мерзімі ішінде кепіл нысанасы бола алады, ол қоймалық куәлік бойынша құқықтарды шектеу туралы мәліметтерді қоймалық куәліктер тізіліміне енгізу арқылы ресімделеді.
Тармақ 2. Қоймалық куәліктер тізілімінде қамтылған қоймалық куәліктің кепілі туралы мәліметтер болған кезде қоймалық куәлікті ұстаушы кепілмен қамтамасыз етілген міндеттемелер өтелгенге дейін қоймадан ауыл шаруашылығы өнімін ала алмайды.
Тармақ 3. Қоймалық куәліктер тізілімінде қоймалық куәлік бойынша құқықтарды жүзеге асыруға шектеулер туралы мәліметтер болмаған кезде қойма ауыл шаруашылығы өнімін қоймалық куәлікті ұстаушыға береді.
Тармақ 4. Осы баптың 3-тармағының талаптарына қарамастан, қоймалық куәліктер тізілімінде өзіне қатысты кепіл туралы жазба қамтылған, қоймалық куәлікті ұстаушыға ауыл шаруашылығы өнімін берген қойма қоймалық куәліктің кепілімен қамтамасыз етілген міндеттемелерді өтеуі үшін кепіл ұстаушының алдында жауапты болады.
Тармақ 5. Қоймалық куәлік бойынша құқықтарды жүзеге асыруға шектеулермен ауыртпалық салынбаған оны ұстаушы ауыл шаруашылығы өнімін бөліп-бөліп беруді талап етуге құқылы. Бұл ретте бастапқы қоймалық куәліктің орнына оған қоймада қалған ауыл шаруашылығы өніміне жаңа қоймалық куәлік шығарылады (беріледі).