5-баптың 2-тармағында көзделген құнды айқындау әдісі, әдетте, импортталған тауарлар кейіннен өңдеу нәтижесінде өзгертілген кезде қолданылмайды деп танылады. Алайда, тауарлар осылайша өзгертілген кезде өңдеу кезінде қосылған құнды негізсіз қиындықсыз дәл айқындауға болатын жағдайлар болуы мүмкін. Екінші жағынан, импортталған тауарлар түрі өзгертілмеген, бірақ импорт елінде сатылатын тауарлардың шамалы үлесін құрайтын жағдайлар да болуы мүмкін, сондықтан құнды айқындаудың бұл әдісін қолдану негізсіз болар еді. Жоғарыда айтылғандарды ескере отырып, мұндай жағдайдың әрқайсысы әр нақты жағдайда жеке-жеке қарастырылуға тиіс.