5-баптың 1-тармағының ережелеріне сәйкес делдалға сыйақының не қарапайым пайда мен жалпы шығыстардың мөлшерін айқындау кезінде белгілі бір тауарлар басқа да тауарлар сияқты "сол сыныптағы немесе түрдегі" тауарлар болып табылатындығы туралы мәселе тиісті мән-жайларды ескере отырып, әрбір нақты жағдайда бөлек шешілуге тиіс. Қажетті ақпарат берілетін, бағаланатын тауарларды қамтитын сол сыныптағы немесе түрдегі импортталатын тауарлардың аз ғана тобын немесе қатарын импорт елінде сатулар зерделенуге тиіс. 5-баптың мақсаттары үшін "сол сыныптағы немесе түрдегі тауарлар" деген термин бағаланатын тауарлар сияқты бір елден импортталатын тауарларды, сондай-ақ басқа елдерден импортталатын тауарларды қамтиды.