Бап 2 О ратификации Соглашения о сотрудничестве государств – участников Содружества Независимых Государств в противодействии коррупции
Осы Келісімнің мақсаттары үшін төменде келтірілген терминдердің мынадай мағынасы болады:
1) нормативтік құқықтық актілердің сыбайлас жемқорлыққа қарсы сараптамасы - нормативтік құқықтық актілерде, нормативтік құқықтық актілердің жобаларында қамтылған сыбайлас жемқорлық сипаты бар факторларды анықтау және сипаттау жөніндегі, сондай-ақ осындай факторларды жоюға немесе қолданылуын шектеуге бағытталған ұсынымдарды әзірлеу жөніндегі қызмет;
2) сыбайлас жемқорлыққа қарсы стандарттар - қоғамдық қатынастардың оқшауланған саласы үшін белгіленген, сыбайлас жемқорлықтың алдын алуға бағытталған ұсынымдар жүйесі;
3) сыбайлас жемқорлыққа қарсы мониторинг - сыбайлас жемқорлық көріністері мен сыбайлас жемқорлық сипаты бар факторларды бақылау, талдау, бағалау және болжау;
4) мүлік - материалдық немесе материалдық емес болсын, жылжымалы немесе жылжымайтын болсын, заттарда немесе құқықтарда көрсетілген кез келген активтер, сондай-ақ осындай активтерге немесе олардағы мүдделерге меншік құқығын растайтын заңды құжаттар немесе актілер;
5) сыбайлас жемқорлықтан түскен кірістер - сыбайлас жемқорлық қылмыстар мен құқық бұзушылықтар жасау нәтижесінде өзі үшін немесе үшінші тұлғалар үшін тікелей немесе жанама түрде иемденілген немесе алынған кез келген мүлік;
6) құзыретті орган - Тараптың заңнамасында айқындалған өз құзыреті шегінде сыбайлас жемқорлыққа қарсы іс-қимыл саласындағы өкілеттіктерді жүзеге асыратын, Тараптың мемлекеттік органы;
7) конфиденциалды ақпарат - Тараптардың заңнамасына сәйкес қол жеткізу шектелген ақпарат;
8) тәркілеу - соттың күшіне енген шешімі негізінде мүлікті (сыбайлас жемқорлықтан түскен кірістерді, сыбайлас жемқорлық қылмыстар мен құқық бұзушылықтардан алынған қаражатқа сатып алынған не оларды жасау кезінде пайдаланылған мүлікті) өтеусіз алып қою;
9) сыбайлас жемқорлық құқық бұзушылық - сыбайлас жемқорлық белгілері бар, ол үшін Тараптардың заңнамасында әкімшілік, азаматтық-құқықтық немесе тәртіптік жауапкершілік белгіленген іс-әрекет (әрекет немесе әрекетсіздік);
10) сыбайлас жемқорлық қылмыс - Тараптардың заңнамасында көзделген, сыбайлас жемқорлық белгілері бар қылмыстық жазаланатын іс-әрекет;
11) сыбайлас жемқорлық - лауазымды адамның немесе Тараптар заңнамасында оған теңестірілген адамның не шетелдік лауазымды адамның не өкімдік және өзге де басқару функцияларын, оның ішінде коммерциялық немесе өзге де ұйымда жүзеге асыратын адамның лауазымдық міндеттемелерін атқару кезіндегі әрекеті немесе әрекетсіздігі үшін жеке өзі немесе делдалдар арқылы өзі үшін, үшінші тұлға не ұйым үшін мүлікті қасақана заңсыз алуы, сол сияқты мүлікті беру арқылы осы адамдарды параға сатып алу;
12) сыбайлас жемқорлыққа қарсы іс-қимыл - мемлекеттік органдардың, жергілікті өзін-өзі басқару органдарының, азаматтық қоғам институттарының, ұйымдардың және жеке тұлғалардың өз өкілеттіктері шегінде:
13) а) сыбайлас жемқорлықтың алдын алу, оның ішінде сыбайлас жемқорлықты анықтау және себептерін кейіннен жою (сыбайлас жемқорлық профилактикасы) бойынша;
14) б) сыбайлас жемқорлық қылмыстар мен құқық бұзушылықтарды анықтау, алдын алу, жолын кесу, ашу және тергеп-тексеру (сыбайлас жемқорлықпен күрес) бойынша;
15) в) сыбайлас жемқорлық қылмыстар мен құқық бұзушылықтардың салдарын барынша азайту және/немесе жою бойынша;
16) г) сыбайлас жемқорлыққа қарсы іс-қимыл, оның ішінде сыбайлас жемқорлықтан түскен кірістерді анықтау, тыйым салу және қайтару саласындағы халықаралық ынтымақтастықты жүзеге асыру бойынша қызметі.