Бап 4 О ратификации Соглашения о сотрудничестве государств – участников Содружества Независимых Государств в противодействии коррупции
Тараптардың ынтымақтастығы мынадай негізгі бағыттар мен формаларды қамтиды:
1) а) сыбайлас жемқорлық қылмыстар мен құқық бұзушылықтар туралы істер бойынша жәрдем көрсету;
2) б) сыбайлас жемқорлық қылмыстарға қарсы іс-қимыл саласында үйлестірілген және/немесе келісілген жедел-іздестіру, жедел-профилактикалық іс-шаралар мен арнаулы операциялар жүргізу;
3) в) сыбайлас жемқорлық қылмыстар жасаған адамдарды іздестіру, ұстау және беру саласындағы ынтымақтастықты жүзеге асыру;
4) г) сыбайлас жемқорлықтан түскен кірістерді іздестіру және қайтару саласындағы ынтымақтастықты жүзеге асыру;
5) д) сыбайлас жемқорлыққа қарсы іс-қимылға қатысатын жеке тұлғалар мен ұйымдарды құқықтық қорғау және қолдауды қамтамасыз ету;
6) е) сыбайлас жемқорлыққа қарсы іс-қимыл саласындағы жедел-ақпараттық және ақпараттық-талдамалық алмасу;
7) ж) сыбайлас жемқорлыққа қарсы іс-қимыл саласында ақпараттық жүйелерді құру және пайдалану;
8) з) сыбайлас жемқорлыққа қарсы іс-қимыл саласындағы ынтымақтастық стратегияларын, бағдарламалары мен жоспарларын әзірлеу және іске асыру;
9) и) сыбайлас жемқорлыққа қарсы іс-қимыл саласындағы құқықтық реттеу тәжірибесімен алмасу;
10) к) сыбайлас жемқорлыққа қарсы мониторинг нәтижелерімен алмасу;
11) л) сыбайлас жемқорлыққа қарсы іс-қимыл саласында кадрлар даярлау, қайта даярлау және біліктілігін арттыру;
12) м) сыбайлас жемқорлыққа қарсы іс-қимылды ғылыми-әдістемелік және материалдық-техникалық қамтамасыз ету;
13) н) сыбайлас жемқорлыққа қарсы іс-қимыл мәселелері бойынша мәжілістер, семинарлар, конференциялар өткізу;
14) о) сыбайлас жемқорлықтан түскен кірістерді заңдастыруға (жылыстатуға) қарсы іс-қимыл саласында сыбайлас жемқорлыққа қарсы бірлескен іс-шаралар мен зерттеулер жүргізу.
15) Осы баптың ережелері Тараптардың заңнамасы, осы Келісім және Тараптардың халықаралық міндеттемелері сақталған кезде Тараптардың құзыретті органдарына ынтымақтастықтың өзге де өзара тиімді формаларын айқындауға және дамытуға кедергі келтірмейді.