Бап 12 О ратификации Соглашения между Республикой Казахстан и Республикой Кипр о передаче осужденных лиц

Тармақ 1. Үкімді орындаушы тарап:

• 1) a) өзінің уәкілетті органының шешімі негізінде үкімнің орындалуын дереу жалғастырады; немесе
• 2) b) осы баптың 6-тармағына сәйкес Үкім шығарушы тарапта айқындалған жазаның орнына дәл сол қылмыс үшін Үкімді орындаушы тараптың заңнамасында көзделген жазаны тағайындай отырып, сот немесе әкімшілік рәсімді қолдану арқылы үкімді осы Тараптың шешіміне өзгертеді.

Тармақ 2. Егер талап етілсе, Үкімді орындаушы тарап сотталған адам берілгенге дейін Үкім шығарушы тарапқа оның осы рәсімдердің қайсысын ұстанатыны туралы хабарлайды.

Тармақ 3. Үкімді орындау Үкімді орындаушы тараптың заңнамасымен реттеледі және осы Тарап қана барлық тиісті шешімдерді қабылдауға құзыретті.

Тармақ 4. Үкімді орындау жалғастырылған жағдайда, Үкім шығарушы тарап айқындаған жазаның сипаты мен ұзақтығы Үкімді орындаушы тарап үшін міндетті болуға тиіс.

Тармақ 5. Алайда тағайындалған жаза өзінің мазмұны немесе ұзақтығы бойынша Үкімді орындаушы тараптың заңнамасына үйлеспейтін болса немесе егер бұл оның заңнамасында талап етілсе, Үкімді орындаушы тарап өзінің уәкілетті органы арқылы осы үкімді осыған ұқсас қылмыс үшін өзінің ұлттық заңнамасында көзделген жазаға немесе шараға сәйкес келтіре алады. Сәйкес келтірілген үкім өзінің мазмұны немесе ұзақтығы бойынша Үкім шығарушы тарап тағайындаған жазаны ауырлатпауға тиіс және Үкімді орындаушы тараптың заңнамасында көзделген ең ұзақ мерзімнен аспауға тиіс.

Тармақ 6. Үкім өзгертілген жағдайда Үкімді орындаушы тараптың заңнамасында көзделген рәсімдер қолданылады. Үкімді мойындау кезінде Үкімді орындаушы тарап:

• 1) a) Үкім шығарушы тарап шығарған сот шешімінен тікелей немесе жанама туындайтын дәрежеде фактілерге қатысты тұжырымдарды ұстануға міндетті;
• 2) b) бас бостандығынан айыруға байланысты жазалау шарасын ақшалай өндіріп алуға ауыстыруға құқылы емес;
• 3) c) бас бостандығынан айырудың сотталған адам өтеген толық мерзімін есептейді;
• 4) d) сотталған адамға жазалау шарасын қатаңдатпайды және осыған ұқсас қылмыс үшін Үкімді орындаушы тараптың заңнамасында көзделген ең төмен жазаны қолданбауға тиіс.

Тармақ 7. Егер сотталған адам берілгеннен кейін үкімді өзгерту жүзеге асырылса, онда Үкімді орындаушы тарап оны күзетпен ұстайды немесе осы рәсім аяқталғанға дейін оның өз аумағында болуын өзгеше түрде қамтамасыз етеді.