Бап 14 О фондах целевого капитала и эндаумент-фондах (целевых капиталах). Атқарушы орган

Тармақ 1. Атқарушы орган нысаналы капитал қорының ағымдағы қызметіне басшылықты жүзеге асырады.

Тармақ 2. Атқарушы органның басшысы:

• 1) қамқоршылық кеңес шешімдерінің орындалуын ұйымдастырады;
• 2) үшінші тұлғалармен қарым-қатынастарда нысаналы капитал қоры атынан сенімхатсыз әрекет етеді;
• 3) өз құзыреті шегінде үшінші тұлғалармен қарым-қатынастарда нысаналы капитал қоры атынан өкілдік ету құқығына сенімхат береді;
• 4) атқарушы органның құрамына кіретін жұмыскерлерді және ішкі аудит қызметінің жұмыскерлерін қоспағанда, нысаналы капитал қорының жұмыскерлерін (осы Заңда белгіленген жағдайларды қоспағанда) қабылдауды, ауыстыруды және жұмыстан босатуды жүзеге асырады, оларға көтермелеу шараларын қолданады және тәртіптік жаза қолданады, штат кестесіне және нысаналы капитал қоры жұмыскерлерінің еңбегіне ақы төлеу және оларға сыйлықақы беру туралы ережеге сәйкес, нысаналы капитал қоры жұмыскерлерінің лауазымдық жалақыларының және жалақыға дербес үстемеақылардың мөлшерін белгілейді;
• 5) өзі болмаған жағдайда алқалы атқарушы орган жанындағы өз міндеттерін атқаруды атқарушы орган мүшелерінің біріне жүктейді;
• 6) атқарушы орган мүшелерінің арасында міндеттерді, сондай-ақ өкілеттіктер саласын және жауапкершілікті бөледі;
• 7) пайда алушылардың ұсыныстарын ескере отырып, эндаумент-қордың (нысаналы капиталдың) қайырымдылық бағдарламаларын әзірлеуді қамтамасыз етеді;
• 8) эндаумент-қордың (нысаналы капиталдың) қайырымдылық бағдарламаларын қамқоршылық кеңеске бекітуге енгізеді;
• 9) қамқоршылық кеңес бекіткен эндаумент-қордың (нысаналы капиталдың) қайырымдылық бағдарламаларын орындайды;
• 10) қамқоршылық кеңес бекіткен нысаналы капитал қорының қызмет бағыттары бойынша ақпараттық-түсіндіру жұмысының жоспарын әзірлейді және орындайды;
• 11) осы Заңда, нысаналы капитал қорының жарғысында және қамқоршылық кеңестің шешімдерінде белгіленген өзге де функцияларды жүзеге асырады.

Тармақ 3. Нысаналы капитал қорының жұмыскерлері алқалы атқарушы органның мүшелері бола алады.

Тармақ 4. Атқарушы органның басшысы мен мүшелері қамқоршылық кеңестің құрамына кірмейді.

Тармақ 5. Салымшы мен оның өкілдерінің, сондай-ақ нысаналы капитал қорының үлестес тұлғаларының атқарушы орган басшысының немесе мүшелерінің лауазымдарын атқаруға құқығы жоқ.

Тармақ 6. Атқарушы органның басшысы мен мүшелері өз міндеттерін орындау кезінде нысаналы капитал қорының мүддесінде әрекет етуге тиіс.