Тармақ 1. Эндаумент-қордың (нысаналы капиталдың) инвестициялық кірістен қаржыландырылатын қайырымдылық бағдарламалары білім беру, ғылым және инновациялық қызмет, бұқаралық спорт, дәрі-дәрмекпен қамтамасыз ету, медициналық қызметтер көрсету және халықты әлеуметтік қорғау саласындағы қайырымдылық объектілерін қамтиды.
Тармақ 2. Эндаумент-қордың (нысаналы капиталдың) қайырымдылық бағдарламасы әрбір эндаумент-қор (нысаналы капитал) үшін әзірленеді және бекітіледі.
Тармақ 3. Эндаумент-қордың (нысаналы капиталдың) қайырымдылық бағдарламасы қайырымдылық объектілерін, мақсаттарын, міндеттерін, іске асыру кезеңін, болжамды кірістер мен шығыстар сметасын қамтиды.
Тармақ 4. Эндаумент-қордың (нысаналы капиталдың) қайырымдылық бағдарламасын әзірлеуді, бекітуді және орындауды нысаналы капитал қоры пайда алушының мүдделері үшін жүзеге асырады.
Тармақ 5. Пайда алушы эндаумент-қордан (нысаналы капиталдан) алынған қаражатты эндаумент-қордың (нысаналы капиталдың) бекітілген қайырымдылық бағдарламасына сәйкес пайдаланады.
Тармақ 6. Пайда алушы қамқоршылық кеңеске қаражаттың пайдаланылуы туралы есепті қамқоршылық кеңес белгілеген тәртіппен және мерзімдерде ұсынады.