Бап 13 О ратификации Соглашения между Правительством РК и Правительством Туркменистана о взаимном поощрении и защите инвестиций

Тармақ 1. Бір Уағдаласушы Тараптың инвесторы мен екінші Уағдаласушы Тарап арасындағы осы соңғы Уағдаласушы Тараптың осы Келісім бойынша міндеттемелерін болжамды бұзуға қатысты кез келген дау мүмкіндігінше, дау тараптары арасында бейбіт жолмен шешілуге тиіс.

Тармақ 2. Осы Келісімді бұзу туралы мәлімдеген Уағдаласушы Тараптың инвесторы екінші Уағдаласушы Тарапқа реттеу туралы жазбаша сұрау салу жібереді. Осы келіссөздер кезінде дау тараптары ізгі көрсетілетін қызметтер, татуласу немесе медиация сияқты үшінші тараптардың міндетті емес рәсімдерін пайдалана алады.

Тармақ 3. Реттеу туралы сұрау салу осы баптың 2-тармағына сәйкес мынадай ақпаратты:

• 1) a) инвестордың аты-жөні мен мекенжайын және егер мұндай сұрау салу жергілікті компанияның атынан берілсе, жергілікті компанияның атауын, мекенжайын және тіркелген жерін;
• 2) b) болжамды бұзылған осы Келісімнің ережелерін;
• 3) c) осы Келісімнің ережелерімен үйлеспейтін өтінішті қоса алғанда, талап ету үшін заңды және нақты негізді;
• 4) d) сұратылған көмекті және мәлімделген залалдың болжамды сомасын; және
• 5) e) өтініш берушінің екінші Уағдаласушы Тараптың инвесторы екенін және оның инвестицияларды иеленетінін немесе бақылайтынын және егер ол жергілікті компанияның атынан әрекет етсе, жергілікті компанияға иелік ететінін немесе бақылайтынын растайтын дәлелдерді қамтуға тиіс.

Тармақ 4. Егер реттеу туралы сұрау салу бірнеше инвестор немесе бірнеше жергілікті компанияның атынан берсе, осы баптың 3-тармағының (а) және (е) тармақшаларындағы ақпарат, жағдайы қарай, әрбір инвесторға немесе әрбір жергілікті компанияға берілуі тиіс.

Тармақ 5. Егер дау тараптары неғұрлым ұзақ мерзім туралы келіспесе, келіссөздер осы баптың 2-тармағына сәйкес реттеу туралы сұрау салу берілген сәттен бастап 90 (тоқсан) күн ішінде жүргізілуге тиіс.

Тармақ 6. Егер инвестор осы баптың 8-тармағына сәйкес реттеу туралы сұрау салуды бергеннен кейін он сегіз ай ішінде төрелікке өтініш бермесе, онда мұндай инвестор оны реттеу жөніндегі өзінің сұрау салуын кері қайтарып алды деп есептеледі. Бұл мерзім дау тараптардың келісімі бойынша ұзартылуы мүмкін.

Тармақ 7. Инвестор тарапынан талап қою болған жағдайда қабылдаушы мемлекет қарсы талап қою бере алады, ал осы Келісімді кез келген бұзуға байланысты осы бұзушылықтарды анықтау үшін соттың юрисдикциясы болады. Неғұрлым түсінікті болу үшін, қарсы талап қоюға себеп болатын кез келген бұзушылық инвестордың талап қоюына байланысты болуы міндетті емес.

Тармақ 8. Егер мұндай дауды осы баптың 1-тармағының ережелеріне сәйкес реттеу туралы жазбаша сұрау салынған күннен бастап алты ай ішінде реттеу мүмкін болмаса, мүдделі инвестор өз қалауы бойынша дауды шешу үшін:

• 1) a) инвестициялар жүзеге асырылған мемлекеттің аумағындағы Уағдаласушы Тарап мемлекетінің құзыретті сотына; немесе
• 2) b) 1965 жылғы 18 наурызда Вашингтонда қол қойылған Мемлекеттер мен басқа да мемлекеттердің азаматтары арасындағы инвестициялық дауларды реттеу туралы конвенцияға сәйкес құрылған Инвестициялық дауларды реттеу жөніндегі халықаралық орталыққа; немесе
• 3) c) Біріккен Ұлттар Ұйымының халықаралық сауда құқығы жөніндегі комиссиясы (ЮНСИТРАЛ) қабылдаған ЮНСИТРАЛ Төрелік регламентіне сәйкес "ad hoc" Халықаралық төрелік сотына; немесе
• 4) d) дау тараптарының келісуі бойынша "Астана" халықаралық қаржы орталығының Халықаралық төрелік орталығына немесе "Астана" Халықаралық қаржы орталығының Сотына; немесе
• 5) e) дау тараптарының келісуі бойынша Түрікменстан сауда - өнеркәсіп палатасының Халықаралық коммерциялық төрелігіне; немесе
• 6) f) дау тараптарының келісуі бойынша кез келген басқа да төрелік мекемелерге немесе кез келген басқа да төрелік регламентке сәйкес бере алады.

Тармақ 9. Инвестор жоғарыда аталған дауды реттеу жолдарының бірін таңдағаннан кейін, қалғандарын қолдану мүмкін емес.

Тармақ 10. Уағдаласушы Тарап пен екінші Уағдаласушы Тарап мемлекетінің инвесторы осы баптың 8-тармағында көзделген төрелік даудың нысанасына, мазмұнына және егжей-тегжейіне қатысты құпиялылықты сақтайды.

Тармақ 11. Инвестор осы бапта көрсетілген дауды осы баптың 8-тармағына сәйкес, егер инвестор болжамды бұзушылық туралы ақпаратты алғаш білген немесе білуге тиіс болған күннен бастап үш жылдан аспаса жәпе инвестордың шығынға ұшырағаны және залал шеккені туралы хабардар болса ғана, төреліктің қарауына бере алады.