Бап 8 О ратификации Соглашения между Правительством РК и Правительством Туркменистана о взаимном поощрении и защите инвестиций

Тармақ 1. Әрбір Уағдаласушы Тарап инвесторларға екінші Уағдаласушы Тарап мемлекетінің инвесторлары соңғы мемлекеттің аумағында жүзеге асырған осындай инвестицияларға байланысты төлемдердің еркін аударылуын қамтамасыз етеді, бұл ретте инвесторлар барлық салық міндеттемелерін орындауы керек, атап айтқанда:

• 1) а) инвестицияларға қызмет көрсету және оларды ұлғайту үшін пайдаланылатын капитал және капиталдың қосымша сомаларын;
• 2) b) кірістерді;
• 3) c) инвестицияларға байланысты кредит бойынша пайыздарды қоса алғанда, қандай да бір кредитті өтеуді;
• 4) d) акцияларды сатудан түскен пайданы;
• 5) e) инвесторлар сату немесе ішінара сату пемесе тарату жағдайларында алған кірісті;
• 6) f) бір Уағдаласушы Тарап мемлекеті жеке тұлғаларының немесе екінші Уағдаласушы Тарап мемлекетінің аумағындағы инвестицияларға байланысты жұмыс істейтін шетелден тартылған басқа да персоналдың кірісін;
• 7) g) инвестициялық дау бойынша төлемдерді;
• 8) h) осы Келісімнің 6-бабына ("Экспроприация және өтемақы") сәйкес өтемақыны қамтиды, бірақ бұлармен шектелмейді.

Тармақ 2. Осы бапқа сәйкес аударымдар аумағында инвестициялар жүзеге асырылған Уағдаласушы Tapaп мемлекетінің валюталық заңнамасында белгіленген тәртіппен, еркін пайдаланылатын кез келген валютада және аудару күнінде қалыптасқан нарықтық валюта бағамы бойынша кешіктірілмей жүзеге асырылуға тиіс.

Тармақ 3. Сот қаулысына сәйкес Уағдаласушы Тарап, егер мыналарға:

• 1) a) банкроттыққа, төлем қабілетсіздігіне немесе кредиторлардың құқықтарын қорғауға;
• 2) b) инвестицияларды жүзеге асыру жөніндегі операциялық қызметке байланысты қылмыстық әрекеттерге;
• 3) c) инвестицияларды жүзеге асыру жөніндегі операциялық қызметке ғана байланысты сот талқылаулары барысында бұйрықтардың немесе сот шешімдерінің сақталуын қамтамасыз етуге; және
• 4) d) салықтық төлемдерді орындамауға байланысты күтпеген бұзушылықтарды анықтайтын болса, белгілі бір кезеңге қаражат аударуды кешіктіруі мүмкін.
• 5) Мұндай кідіріс әділ және кемсітушіліксіз негізде және адал ниетпен жүзеге асырылуға тиіс.

Тармақ 4. Уағдаласушы Тараптар осы бапта аталған аударымдарға кез келген үшінші мемлекет жүзеге асырған инвестициялардан туындайтын аударымдарға берілетін режимнен кем емес қолайлы режимді ұсынуға міндеттенеді.