Тармақ 1. Сұрау салынатын Тарап сұрау салудың жылдам және толық орындалуын қамтамасыз ету үшін барлық қажетті шараларды қабылдайды.
Тармақ 2. Егер сұрау салынатын Tapaп сұрау салуды орындау қылмыстық қудалауға немесе оның мемлекетінің аумағында жүзеге асырылып жатқан өзге де іс жүргізуге кедергі болуы мүмкін деп ұйғарса, онда ол сұрау салуды орындауды кейінге қалдыруға немесе оның орындалуын өзі айқындаған шарттардың сақталуымен байланыстыруға құқылы.
Тармақ 3. Сұрау салынатын Tapaп сұрау салуды орындау нәтижелері туралы сұрау салушы Тарапқа мүмкіндігінше қысқа мерзімде хабарлайды. Сұрау салуды орындау мерзімі ол келіп түскен күннен бастап күнтізбелік 30 (отыз) күннен аспауы тиіс.
Тармақ 4. Егер сұрау салынатын Tapaп сұрау салуды орындау өз мемлекетінің егемендігіне, қауіпсіздігіне, қоғамдық тәртібіне нұқсан келтіруі мүмкін не заңнамасына немесе халықаралық міндеттемелеріне қайшы келуі мүмкін деп ұйғарса және осы Келісімнің мақсаттарына сәйкес келмейді деп есептесе, сұрау салуды орындаудан толық немесе ішінара бас тартылады.