Осы Келісімнің мақсаттары үшін мынадай негізгі терминдер пайдаланылады:
- 1) ҚБХО ақпараттық жүйесі - ортақ ақпараттық ресурстарды құруға және Тараптардың тиімді мемлекетаралық ақпараттық өзара іс-қимылын қамтамасыз етуге, сондай-ақ қылмыстық жолмен алынған кірістерді заңдастыру (жылыстату) және терроризмді қаржыландыру қауіп-қатеріне ұлттық баға беруден жоғары болатын баға беруге арналған қорғалған ақпараттық жүйе;
- 2) қылмыстық жолмен алынған кірістерді заңдастыру (жылыстату) және терроризмді қаржыландыру қауіп-қатеріне ұлттық баға беруден жоғары болатын баға беру - Тәуелсіз Мемлекеттер Достастығына қатысушы мемлекеттердің қаржы барлау бөлімшелері басшыларының кеңесі (бұдан әрі - ҚБББК) үйлестіретін, қылмыстық жолмен алынған кірістерді заңдастырудың (жылыстатудың) трансшекаралық көріністеріне байланысты, Тараптардың аумақтарында терроризмді қаржыландыру қауіптерін, осалдықтар мен салдарын бағалау, қауіп-қатерлерді айқындау, сондай-ақ оларды барынша азайтуға бағытталған бірлескен шараларды тұжырымдау жөніндегі Тараптардың бірлескен қызметі.