Бап 4 О ратификации Соглашения между Правительством РК и Правительством Туркменистана о сотрудничестве в борьбе с преступностью

Тармақ 1. Ақпарат және осы Келісімде көзделген әрекеттерді жүзеге асыру туралы сұрау салу Тараптар мемлекеттерінің құзыретті органдарына жазбаша нысанда жіберіледі. Сұрау салуда мыналар:

• 1) сұрау салынатын мекеменің атауы;
• 2) негіздемені айқындайтын дәлелді тұжырым, сондай-ақ сұрау салушы және сұрау салынатын қызмет немесе орган;
• 3) көмек сұратуға себеп болған істің сипаттамасы;
• 4) сұрау салудың мазмұны және оны орындау үшін қажетті мәліметтер;
• 5) шешімнің немесе өзге актінің осы шешімді немесе актіні шығаруға негіз болған заң ережесінің мәтіні бар расталған көшірмесі қамтылуға тиіс.
• 6) Қылмыстардың жолын кесу, алдын алу немесе оларды ашу үшін қажетті сұрау салуларды шұғыл орындау талап етілген жағдайларда Тараптар мемлекеттерінің құзыретті органдары осы Келісімді орындау үшін алдын ала ауызша өтініш білдіре алады, ал сұрау салуды кейіннен келісілген арналар арқылы дереу жазбаша растайды.

Тармақ 2. Егер Тараптар мемлекеттерінің құзыретті органдары өзгеше уағдаласпаса, сұрау салу, растайтын құжаттар мен кейінгі хабарлар Тараптар мемлекеттерінің мемлекеттік тілдерінде ресімделуге, сұрау салынатын Тараптың тіліне немесе орыс тіліне аудармасы бірге берілуге және келісілген арналар арқылы жіберілуге тиіс.

Тармақ 3. Егер сұрау салушы Тарап алдыңғы сұрау салу бойынша алынған ақпаратты жеткіліксіз деп есептесе, қосымша ақпаратты тікелей сұрата алады. Тараптар мемлекеттерінің құзыретті органдары мұндай сұрау салуларды дереу орындайды.

Тармақ 4. Осы Келісім шеңберінде Тараптар мемлекеттерінің ұлттық заңнамасына сәйкес мемлекеттік құпияны (мемлекеттік құпияларды) құрайтын ақпаратпен алмасу жүзеге асырылмайды.

Тармақ 5. Егер сұрау салуды орындау сұрау салынатын Тарап мемлекетінің егемендігіне, қауіпсіздігіне, қоғамдық тәртібіне, мемлекет билігінің ұйымдастырылу және қызметі нормаларына немесе басқа да маңызды мүддесіне қауіп төндіретін болса немесе мұндай сұрау салуды орындау оның мемлекетінің ұлттық заңнамасына немесе халықаралық келісімдердің нәтижесі болып табылатын оның міндеттемелеріне қайшы келетін болса, оның мұндай сұрау салуды орындаудан толық немесе ішінара бас тартуға құқығы бар.

Тармақ 6. Сұрау салынатын Tapaп сұрау салушы Тарапты сұрау салуды орындаудан бас тарту себептеріне немесе оның ішінара орындалуына қатысты дереу хабардар етеді.