Мыналар құқық бұзушылық профилактикасы жөніндегі арнаулы шаралар болып табылады:
- 1) құқық бұзушылық профилактикасы мәселелері бойынша ғылыми және әлеуметтанушылық зерттеулерді ұйымдастыру және жүргізу;
- 2) мемлекеттік органдар мен ұйымдардың құқық бұзушылық профилактикасы жөніндегі қызметін жетілдіруге бағытталған бағдарламалар мен әдістемелерді әзірлеу;
- 3) құқық бұзушылықтың виктимологиялық профилактикасы жөніндегі шаралар;
- 4) халықтың белгілі бір әлеуметтік тобы арасында қоғамға жат мінез-құлықтың қалыптасуына ықпал ететін себептер мен жағдайларды анықтау және жою;
- 5) құқық бұзушылық профилактикасы субъектілерінің оң тәжірибесін қорыту және тарату;
- 6) профилактикалық іс-шараларды ұйымдастыру және жүргізу.