Тармақ 1. Банк акционерлерінің жалпы жиналысы оны ерікті түрде тарату туралы шешім қабылдағаннан кейін банк жеке тұлғалардың депозиттерін оларды тікелей төлеу арқылы қайтару не оларды депозиттерге міндетті кепілдік беру жүйесіне қатысушылар болып табылатын басқа банкке немесе Қазақстан Республикасы бейрезидент банкінің филиалына аудару бойынша шаралар қабылдауға міндетті.
Тармақ 2. Жеке тұлғалардың депозиттерін қайтаруды жүзеге асырғаннан кейін банк уәкілетті органға өзін ерікті түрде таратуға арналған рұқсатты беру туралы өтінішхатпен жүгінуге құқылы.
Тармақ 3. Банктi ерiктi түрде таратуға арналған рұқсатты беру туралы өтiнiшхатты уәкiлеттi орган банкті ерікті түрде таратуға арналған рұқсатты алуға өтініш қабылданған күннен бастап екi ай iшiнде қарауға тиiс.
Тармақ 4. Уәкілетті орган банкті ерікті түрде таратуға арналған рұқсатты беруден бас тартуды мынадай негіздердің кез келгені бойынша жүргізеді:
Тармақ 5. Банк ерiктi түрде таратуға арналған рұқсатты алған кезде тарату комиссиясын құрады, оған банктiң мүлкi мен iстерiн басқару жөнiндегi өкiлеттiктер ауысады.
Тармақ 6. Уәкілетті орган ерікті түрде таратылатын банктің тарату комиссиясының қызметіне бақылауды жүзеге асырады.
Тармақ 7. Банк ерiктi түрде таратуға арналған рұқсатты алғаннан кейiн бұл жөнінде ақпаратты Қазақстан Республикасының бүкіл аумағында таратылатын екі мерзімді баспасөз басылымында қазақ және орыс тілдерінде жариялауға, сондай-ақ банктің интернет-ресурсында орналастыруға мiндеттi.
Тармақ 8. Тарату комиссиясы тарату балансы мен банктi тарату туралы есеп бекiтілгеннен кейiн күнтізбелік жеті күн ішінде оларды Мемлекеттік корпорацияға және уәкiлеттi органға ұсынуға мiндеттi.
Тармақ 9. Ерікті түрде таратылатын банктің барлық кредиторының талаптарын қанағаттандыруға қаражаты жеткiлiксiз болған жағдайда, банк мәжбүрлеп таратылуға жатады.