Тармақ 1. Қазақстан Республикасында банктер мен Қазақстан Республикасының бейрезидент банктерінің филиалдары депозиторларының мүдделерін қорғау мақсатында депозиттерге міндетті кепілдік беру жүйесі жұмыс істейді, оның құқықтық негізі, сондай-ақ қатысушыларының құқықтары мен міндеттері "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңында айқындалады.
Тармақ 2. Депозиттерге міндетті кепілдік беру жүйесі исламдық банк депозиттеріне және исламдық банк операциялары шеңберінде тартылған банктік шоттардағы ақшаға кепілдік бермейді.