Банк құпиясына банктің клиенттерi мен корреспонденттерi, олардың операциялары және банктік көрсетілетін қызметтерді алуға байланысты банктермен өзара қарым-қатынастары туралы мәліметтер, оның ішінде шектеусіз:
- 1) банктік шоттардың бар екендігі, иелерi мен нөмiрлерi және банктердің корреспонденттері;
- 2) осы шоттардағы және банктің өз шоттарындағы ақшаның қалдығы мен қозғалысы;
- 3) аударылған шоттардағы шектеулер (мемлекеттік органдардың шығыс операцияларын тоқтата тұру, тыйым салу, кепілдер туралы шешімдері және (немесе) өкімдері);
- 4) клиенттер мен корреспонденттердің және банктің өзінің операциялары (банк операцияларын жүзеге асырудың жалпы шарттарын қоспағанда);
- 5) банктің сейф жәшiктерiнде, шкафтары мен үй-жайларында сақтаулы жатқан клиенттер мүлкiнiң бар екендігі, иелерi, сипаты мен құны;
- 6) клиенттердің қарыздар алуы (осы бапта айқындалған жағдайлардан басқа);
- 7) төлемдер және (немесе) ақша аударымдары бойынша, оның ішінде банктік шот ашпай орындалатын операцияларды жүргізу туралы ақпарат кiредi.
- 8) Банкті тарату рәсімі басталғанға дейін таратылатын банк берген және (немесе) алған қарыздар туралы мәліметтер банк құпиясына жатпайды.