Бап 18 О ратификации Соглашения между Правительством РК и Правительством Французской Республики о реадмиссии лиц

Тармақ 1. Осы Келісімді іске асыру, оның ішінде тікелей өзара іс-қимыл жасау үшін Құзыретті органдар:

• 1) Қазақстан тарапы үшін - Қазақстан Республикасының Ішкі істер министрлігі;
• 2) Француз тарапы үшін - Француз Республикасының Ішкі істер министрлігі.

Тармақ 2. Құзыретті органдар осы Келісім күшіне енген күннен бастап 30 (отыз) күннен кешіктірілмейтін мерзімде өздерінің байланыс деректері туралы бір-біріне хабарлайды.

Тармақ 3. Осы Келісімді іске асыру үшін мемлекеттік шекара арқылы мынадай өткізу пункттері пайдаланылады:

• 1) Қазақстан Республикасы үшін:
• 2) Астана қаласының халықаралық әуежайы;
• 3) Алматы қаласының халықаралық әуежайы.
• 4) Француз Республикасы үшін:
• 5) Шарль-де-Голль халықаралық әуежайы;
• 6) Париж-Орли халықаралық әуежайы.

Тармақ 4. Құзыретті органдардың өзара келісуі бойынша адамдарды беру немесе транзиттеу халықаралық қатынастар үшін ашық болатын мемлекеттік шекараның басқа да өткізу пункттері арқылы жүзеге асырылуы мүмкін.

Тармақ 5. Тараптар өз Құзыретті органдарының не олардың атауларының немесе функцияларының өзгергені туралы, мемлекеттік шекара арқылы өткізу пункттері тізіміне өзгерістер немесе толықтырулар туралы осы деректер өзгерген күннен бастап күнтізбелік 14 (он төрт) күннен кешіктірмей дипломатиялық арналар арқылы бір-біріне хабарлайды.

Тармақ 6. Егер Құзыретті органдар өзгеше келіспесе, Құзыретті органдар арасындағы хат-хабар алмасу ағылшын тілінде жүзеге асырылады.