Бап 5 О ратификации Соглашения между Правительством РК и Правительством Французской Республики о реадмиссии лиц

Тармақ 1. Осы Келісімнің ережелеріне сәйкес адамды реадмиссиялауды жүзеге асыру үшін Сұрау салатын Тараптың Құзыретті органы реадмиссиялау туралы өтінішхатты пошта немесе электронды пошта арқылы техникалық байланыс құралдарының көмегімен Сұрау салынатын Тараптың Құзыретті органына жібереді.

Тармақ 2. Реадмиссиялау туралы өтініш нысанының үлгісі осы Келісімге 1-қосымшада келтірілді.

Тармақ 3. Реадмиссиялау туралы өтінішхатта мынадай:

• 1) a) реадмиссиялауға жататын адам туралы барлық қолда бар мәлімет (аты, тегі, туған күні, жынысы және егер мүмкін болса, оның туған жері мен соңғы тұрғылықты жері), оның кәмелетке толмаған, некеде тұрмайтын балалары және (немесе) жұбайы (зайыбы) туралы қолжетімді ақпарат, сондай-ақ реадмиссиялауға жататын адамның түрлі-түсті фотосуреті;
• 2) b) адамның Сұрау салынатын Тараптың азаматтығына тиесілігі дәлелдемелерінің бар-жоғы туралы немесе
• 3) c) үшінші мемлекеттің азаматын немесе азаматтығы жоқ адамды реадмиссиялау үшін дәлелдемелердің бар-жоғы туралы ақпарат қамтылады.

Тармақ 4. Реадмиссиялау туралы өтінішхатқа Сұрау салынатын Тарап мемлекетінің азаматтығы құжаттарға сәйкес дәлелденген немесе олардың негізінде үшінші мемлекеттер азаматтарын немесе азаматтығы жоқ адамдарды реадмиссиялау үшін шарттардың болуы анықталған құжаттардың қолда бар көшірмелері қоса беріледі.

Тармақ 5. Қажет болған жағдайларда реадмиссиялау туралы өтінішхат мынадай ақпаратты:

• 1) a) реадмиссиялауға жататын адам ұлттық заңнамаға және дербес деректерді қорғау қағидаларына сәйкес медициналық көмекке немесе арнайы күтімге мұқтаж екенін куәландыратын өтінішке нақты келісім берген жағдайда тиісті адамның осындай өтінішін;
• 2) b) беру жағдайында қажет болуы мүмкін қорғау немесе қауіпсіздікті қамтамасыз ету бойынша кез келген басқа да шаралар туралы мәліметтерді;
• 3) c) реадмиссиялауға жататын адамның азаматтығын анықтау мақсатында әңгімелесу өткізу туралы өтінішхатты да қамтуға тиіс.

Тармақ 6. Егер реадмиссиялауға жататын адамда осы Келісімге 2-қосымшада көрсетілген жарамды құжаттардың біреуі болса, ал бұл адам үшінші мемлекеттің азаматы немесе азаматтығы жоқ адам болып табылған жағдайда Сұрау салынатын Тарап берген жарамды визасы немесе болуға немесе туруға рұқсаты болса, реадмиссиялау туралы өтінішхат талап етілмейді.

Тармақ 7. Тараптар осы Келісім күшіне енген күннен бастап күнтізбелік 14 (он төрт) күннен кешіктірмей, азаматтыққа тиесілігі оларға сәйкес дәлелденетін құжаттардың үлгілерін, сондай-ақ осы Келісімнің 3-бабының 3-тармағында көрсетілген жол жүру құжатының үлгілерін дипломатиялық арналар арқылы алмасады.

Тармақ 8. Реадмиссиялау туралы өтінішхатқа жауап электрондық пошта арқылы беріледі.