Ауданның, қаланың әкiмшiлiк шекарасында аудандық, қалалық атқарушы өкiмет органдарының қарауына: - жануарлар дүниесiн қорғау, өсiмiн молайту және пайдалану, аңшылық пен балық шаруашылығын дамыту жөнiндегi мемлекеттiк бағдарламаларды келiсу; - кәсiпорындардың, мекемелер мен ұйымдардың жануарлар дүниесiн қорғау, өсiмiн молайту және пайдалану жөнiндегi қызметтi үйлестiру, оған басшылық және бақылау жасау; - аңшылық шаруашылығын жүргiзуге және балықты, басқа да су жануарларын кәсiпшiлiк аулауға құқық беру, сондай-ақ аң аулайтын жерлер мен балық шаруашылығы суаттарын бекiтiп беру жөнiндегi ұсыныстарды келiсу; - жануарлар дүниесiн қорғауға, өсiмiн молайтуға және пайдалануға бақылау жасау жатады.