Жануарлар дүниесiн қорғау, өсiмiн молайту және пайдалану саласында мемлекеттiк бақылау жөнiндегi арнайы уәкiлдiк берiлген органдардың: - Қазақстан Республикасы аумағында тұратын немесе мекендей тұратын азаматтардың, лауазымды және басқа адамдардың жануарлар дүниесiн пайдаланудағы белгiленген ережелер мен нормаларды, тыйымдар мен шектеулердi сақтауын талап етуге, тәртiп бұзушылықты тоқтату туралы орындалуға мiндеттi нұсқаулар беруге; - жануарлар дүниесiн өз бетiмен пайдалануды тоқтатуға, жануарлар дүниесiн қорғау, өсiмiн молайту және пайдалану жөнiндегi ережелердi, нормалар мен өзге де талаптарды бұзатын жұмыстарды тоқтата тұруға; - жануарлар дүниесiн қорғау, өсiмiн молайту және пайдалану жөнiндегi ережелердi, нормалар мен өзге де талаптарды бұзушыларды белгiленген тәртiппен жауаптылыққа тартуға немесе тәртiп бұзушылықтар туралы материалдарды тиiстi буындарға жiберуге құқығы бар. Жануарлар дүниесiн қорғау, өсiмiн молайту және пайдалану саласында мемлекеттiк бақылау жөнiндегi арнайы уәкiлдiк берiлген мемлекеттiк органның өз құзыретi шегiнде бекiтiлген ережелерi мен нұсқауларын барлық министрлiктер, ведомстволар, кәсiпорындар, мекемелер мен ұйымдар, меншiк түрiне қарамастан, сондай-ақ Қазақстан Республикасы азаматтары мен оның аумағында тұратын немесе мекендей тұратын адамдар орындауға мiндеттi. Жануарлар дүниесiн қорғау, өсiмiн молайту және пайдалану саласында мемлекеттiк бақылау жөнiндегi арнайы уәкiлдiк берiлген мемлекеттiк орган қызметкерлерiнiң арнаулы құралдар мен атыс қаруын сақтауға, алып жүруге және айрықша жағдайларда қолдануға құқығы бар. Осы құқық берiлген лауазымды адамдардың тiзбесiн, арнаулы құралдар мен атыс қаруын сақтау, алып жүру және қолдану тәртiбiн Қазақстан Республикасының Үкiметi белгiлейдi. Жануарлар дүниесiн қорғау, өсiмiн молайту және пайдалану саласында мемлекеттiк бақылау жөнiндегi арнайы уәкiлдiк берiлген мемлекеттiк орган қызметкерлерi мiндеттi түрде сақтандырылуға тиiс және өлген немесе жарақаттанған жағдайда зиянның белгiленген тәртiппен өтелуiне құқығы бар.