Тармақ 1. Қатынас жолдарын техникалық жабу Қазақстан Республикасының Үкіметі айқындайтын тәртіппен орындалады.
Тармақ 2. Қазақстан Республикасының ұлттық қауіпсіздігіне қатер төндіретін жағдайларды жою мақсатында мемлекеттік органдар Қазақстан Республикасының заңнамасында белгіленген құзыреттері шегінде қатынас жолдарын техникалық жабу мәселелері бойынша нормативтік құқықтық актілер қабылдайды.
Тармақ 3. Осы баптың 5-тармағында көрсетілген көлік инфрақұрылымы объектілерін меншік құқығында немесе өзге де заңды негізде иеленетін мемлекеттік органдар немесе тұлғалар құзыреттері шегінде қатынас жолдарын техникалық жабуды жоспарлауға, қамтамасыз етуге және жүргізуге міндетті. Бұл ретте қатынас жолдарын техникалық жабуды қаржыландыру жұмылдыру дайындығын, жұмылдыру органдарын және жұмылдыруды қаржыландыру үшін Қазақстан Республикасының жұмылдыру дайындығы және жұмылдыру саласындағы заңнамасында айқындалатын тәртіппен жүзеге асырылады.
Тармақ 4. Уәкілетті мемлекеттік орган сәулет, қала құрылысы және құрылыс істері жөніндегі уәкілетті органмен бірлесіп, бейбіт уақытта және соғыс уақытында көлік инфрақұрылымы объектілерін салу және қалпына келтіру үшін техникалық құжаттаманы, жобалау құжаттамасын, негіздеуші материалдарды және қажетті материалдарды жинақтауды қамтамасыз етеді.
Тармақ 5. Магистральдық жолдар, халықаралық, республикалық және облыстық маңызы бар автомобиль жолдары, оларда орналасқан көпірлер мен тоннельдер, теміржол тораптары, кеме қатынасы үшін пайдаланылатын порттар, гидротехникалық құрылысжайлар мен су шаруашылығы құрылысжайлары және ішкі су жолдарында орналасқан шлюздер, әуеайлақтар, магистральдық құбыржол техникалық жабуға жатады.