Тармақ 1. Салық төлеушiнiң: 1) салық жөнiнде жеңiлдiктерге құқығын растайтын құжаттарды табыс етуге; 2) жүргiзiлген тексеру актiлерiмен танысуға; 3) салық органдарына салықтарды есептеу мен төлеу және жүргiзiлген тексеру актiлерi жөнiнде түсiндiрмелердi ұсынуға; 4) заңда белгiленген тәртiппен салық органдарының шешiмдерiне шағымдануға; 5) салық салуға қатыссыз ақпарат пен құжаттарды тапсырмауға құқығы бар. 2. Салық төлеушi: 1) табыс етiлген жазбаша нұсқау негiзiнде салық қызметi органдары қызметкерлерiнiң талап етуi бойынша салықты және бюджетке төленетiн басқа да төлемдердi есептеуге және төлеуге байланысты есеп құжаттамасы мен мүлiктi тексеруге ол аяқталғанға дейiн ұсынуға; 1-1) осы Заңға сәйкес салықты және бюджетке төленетiн басқа да мiндеттi төлемдердi уақтылы және толық көлемiнде төлеу; 2) табыс етiлген жазбаша нұсқау негiзiнде салық қызметi органдары қызметкерлерiн табыс алу үшiн пайдаланылатын не салық салынатын объектiлердi ұстауға байланысты пайдаланылатын өндiрiстiк, қойма, сауда, өзге де үй-жайларды және көлiктi тексеруге жiберуге; 3) қолма-қол ақша, банктiң төлем карточкалары, чектер арқылы сауда операцияларын жасау немесе қызмет көрсету кезiнде тұтынушылармен жүзеге асырылатын ақшалай есеп айырысуды мiндеттi түрде фискалды зердесi бар бақылау-касса аппаратын пайдалана отырып және тұтынушының қолына бақылау чегiн бере отырып жүргiзуге мiндеттi. Фискалды зердесi бар бақылау-касса машиналарын пайдалану тәртiбiн Қазақстан Республикасының Үкiметi белгiлейдi. Фискалды зердесi бар бақылау-касса машиналары - тауарлар сату және қызмет көрсету кезiнде тұтынушылармен ақшалай есеп айырысуды тiркеу үшiн пайдаланылатын, ауысым сайынғы түзетусiз тiркеудi және энергияға тәуелсіз ұзақ мерзiм бойы ақпарат сақтауды қамтамасыз ететiн фискалды зерде блогы бар электронды құрылғы және (немесе) банктiң компьютерлiк жүйесi. Уәкiлеттi мемлекеттiк орган Қазақстан Республикасының аумағында қолдануға рұқсат етiлген фискалды зердесi бар бақылау-касса машиналарының Мемлекеттiк тiзiлiмiн бекiтедi. Осы тармақшаның ережесi: акцизделетiн тауарларды (темекi бұйымдарынан басқа) сатушыларды қоспағанда, қызметiн патент негiзiнде, тiркелген жиынтық салық төлей отырып жүзеге асыратын және Астана, Алматы қалаларындағы және 100 000 адамнан астам тұрғыны бар облыстық маңызы бар қалалардағы тұрақты белгiленген үй-жайларда бөлшек сауданы жүзеге асыратын жеке тұлғаларға; акцизделетiн тауарлар (темекi бұйымдарынан басқа) сататын жеке тұлғаларды қоспағанда, жеке кәсiпкер ретiнде мемлекеттiк тiркеуден өткен кезден бастап алты ай мерзiм өтпеген жеке кәсiпкерлерге қолданылмайды. 3. Қазақстан Республикасының Yкiметi бекiтетiн тiзбемен айқындалатын салық төлеушiлер Қазақстан Республикасының нормативтiк құқықтық актiлерiнде белгiленген нысандар бойынша электронды құжаттар түрiнде ақпарат табыс етуге мiндеттi. ЕСКЕРТУ. 142-бап өзгертiлдi және 2-тармақпен толықтырылды, 2-тармақтың 3)-тармақшасы 1998 жылғы 1 сәуiрден бастап күшiне енедi - Қазақстан Республикасының 1997.12.08. N 200 Заңымен. ЕСКЕРТУ. 142-бап өзгертілді және толықтырылды - Қазақстан Республикасының 1999.07.16. N 440 Заңымен. Z990440_ Ескерту. 142-бап толықтырылды - Қазақстан Республикасының 1999.11.22. N 485 Заңымен. (өзгерістерді қолдану тәртібін 2-баптан қараңыз) Z990485_ ЕСКЕРТУ. 142-бап өзгерді - Қазақстан Республикасының 2001.01.23. N 147 Заңымен. Z010147_