Тармақ 1. Салық қызметi және оның қызметкерлерi болып табылатын немесе болған барлық адамдар салық төлеушiлер туралы өздерiнiң қызметтiк мiндеттерiн орындау барысында алған мәлiметтердi құпия ұстауға мiндеттi және осы ақпаратты мына адамдарға ғана: 1) салық қызметiнiң басқа қызметкерлерiне олардың осы Жарлыққа сәйкес өздерiнiң қызметтiк мiндеттерiн орындау барысында және мақсатында; 2) салық құқық бұзушылығы мен қылмыс жасаған адамдарды қудалауы үшiн құқық қорғау органдарына; 3) салық тәртiбiн бұзғаны және қылмысы үшiн салық төлеушiнiң салық мiндеттемелерiн немесе жауапкершiлiгiн белгiлеу туралы iстi қарау барысында соттарға; 4) халықаралық шарттарға сәйкес басқа елдердiң салық органдарына беруге құқылы. 1-1. Жеке тұлғаларды қоспағанда, салық төлеушi төлеген салықтың және бюджетке төленетiн басқа да мiндеттi төлемдердiң жалпы сомасы туралы мәлiметтер құпия болып табылмайды. 2. Осы баптың 1-тармағына сәйкес мәлiмет алған аталған органдардың қызметкерлерi, мұндай ақпаратты ашуға рұқсат етiлген мақсатқа қол жеткiзу үшiн қажеттi дәрежеде ғана ақпарат берудi қоспағанда, осы баптың ережелерiне сәйкес осы мәлiметтердi құпия сақтауға мiндеттi. ЕСКЕРТУ. 175-бап 1-1-тармақпен толықтырылды - Қазақстан Республикасының 2001.01.23. N 147 Заңымен. Z010147_