Тармақ 1. Осы Заң 1995 жылғы 1 шiлдеден бастап күшiне енгiзiледi. 2. Заңды және жеке тұлғалар 1995 жылғы 9 тамыздағы жағдай бойынша салық және кеден органдары деректерiнiң негiзiнде 1995 жылғы 1 шiлдеге дейiн пайда болған құқық қатынастары бойынша есептелген айыппұлдар мен өсiмдер жөнiндегi берешек сомаларын төлеуден босатылады. 3. Заңды және жеке тұлғалар 1995 жылғы 9 тамыздағы жағдай бойынша салық органдары деректерiнiң негiзiнде 1995 жылғы 1 шiлдеге дейiн пайда болған құқық қатынастары бойынша есептелген Экономиканы жаңғырту қоры мен Кәсiпкерлiктi қолдау және бәсекелестiктi дамыту қорына төлемдер бойынша, қоғамдық қалалық көлiктi дамытуға заңды тұлғалардан алынатын алымдар бойынша және тұтынуға жұмсалатын қаражаттың олардың нормативтiк шамасынан асып түскен сомасынан алынатын пайдаға салынатын салық бойынша (тұтыну қоры), сондай-ақ 1997 жылғы 1 шiлдедегi жағдай бойынша аталған берешектер жөнiнде айыппұлдар мен өсiмнiң есептелген сомаларын төлеу бойынша берешек сомаларын төлеуден босатылады. 4. Қазақстан Республикасының Үкiметiнiң немесе Құзыреттi орган мен отандық немесе шетелдiк жер қойнауын пайдаланушылардың арасында 1996 жылғы 1 қаңтарға дейiн жасалған жер қойнауын пайдалануға арналған келiсiм-шарттарда, сондай-ақ осы жер қойнауын пайдаланушылармен бұрын жасалған келiсiм-шарттарды орындау үшiн аталған күннен кейiн жасалған жер қойнауын пайдалануға арналған келiсiм-шарттарда және 1996 жылғы 1 қаңтардан бастап жасалып, мiндеттi салық сараптамасынан өткен жер қойнауын пайдалануға арналған келiсiм-шарттарда айқындалған салық салу талаптары сақталады және олардың қолданылуының күллi белгiленген мерзiмi бойы күшiнде болады. 4-1. Акцизделетiн өнiм өндiрушiлерге 1994 жылғы 1 қаңтарға дейiн жасалған келiсiм-шарттарға сәйкес тiкелей салықтар бойынша берiлген салық режимi осы келiсiм-шарттарда белгiленген талаптарда сақталады. 4-2. Осы баптың 4-3-тармағында көрсетілген жер қойнауын пайдаланушыларды қоспағанда, пайдалы қазбаларды барлауды және (немесе) өндіруді жүзеге асыратын жер қойнауын пайдаланушылар мынадай шарттарды орындаған жағдайда: 1) Қазақстан Республикасының экономикалық мүдделерін қалпына келтіру мақсатында Қазақстан Республикасының Үкіметі айқындаған тәртіппен келісім-шарттарда белгіленген салық режиміне өзгерістер енгізгенде. Бұл ретте, өзгертілген салық режимі 2001 жылғы 1 шілдеден бастап қолданылады; 2) жер қойнауын пайдаланушылар 2001 жылғы 1 шілдеден бастап өзгерістер енгізілген күнге дейін өсім мен айыппұл санкцияларын қолданбай, салық режимінің өзгеруіне байланысты бюджет алдындағы міндеттемелер бойынша қайта есептеу жүргізгенде, 2001 жылғы 1 шілдеден бастап қосылған құн салығына 16 процент, әлеуметтік салыққа 21 процент мөлшерінде ставка қолданады. 4-3. Кең таралған пайдалы қазбаларды және (немесе) жерасты суларын барлауды және (немесе) өндіруді жүзеге асыратын жер қойнауын пайдаланушылар пайдалы қазбалардың басқа түрлерін барлау және (немесе) өндіру жөніндегі операцияларды жүргізбеген жағдайда, осы жер қойнауын пайдаланушылар 2001 жылғы 1 шілдеден бастап қосылған құн салығына 16 процент, әлеуметтік салыққа 21 процент мөлшерінде ставка қолданады. 5. Осы Заңның 94-104-баптары Қазақстан Республикасының Үкiметi Қазақстан жер қойнауын пайдаланушылармен тиiстi контрактiлер жасасуына қарай күшiне енедi. 6. Осы Заңның II бөлiмiнiң ережелерi үшiн 1995 жылғы 1 шiлдеден 31 желтоқсанға дейiнгi уақыт салық жылы болып саналсын. 7. 1998 жылғы 1 қаңтарға дейiн 1997 жылғы 1 сәуiрдегi жағдай бойынша пайда болған мерзiмi өткен және мерзiмi ұзартылған салық төлемдерi бойынша өсiм есептеу тоқтатыла тұрады. 1997 жылғы 1 сәуiрдегi жағдай бойынша есептелген айыппұлдар мен өсiмдер салық қызметi органдарының 1997 жылғы 1 сәуiрдегi жағдай бойынша пайда болған, төленген мерзiмi өткен және мерзiмi ұзартылған салық төлемдерiнiң сомасына барабар кемiтiлуге тиiс. 8. Осы тармақ күшiне енгiзiлген кездегi жағдай бойынша есептелген және төленбеген мерзiмi өткен салық төлемдерi бойынша өсiмақыларды аумақтық салық органдары есептен шығаруға тиiс. 9. Осы Заңның 152-бабының ережелерiне қарамастан машина жасау, тоқыма, тiгiн, былғары-аяқ киiм, резинадан және пластмассадан жасалған бұйымдарды өндiру немесе химия өнеркәсiбi салаларындағы қызметтi жүзеге асыратын заңды тұлғалардың осы тармақ күшiне енгiзiлген кездегi жағдай бойынша пайда болған салықтарын және айыппұл санкцияларын (жергiлiктi бюджеттерге толық көлемде түсетiн салықтар мен акциздердi қоспағанда) төлеу мерзiмi, осындай қызметтен түсетiн табыстар өсiмақыны есептемей жиынтық жылдық табыстың көлемiнде кемiнде 51 проценттi құраған жағдайда, 2003 жылдың 1 қаңтарына дейiн ұзартылады. Осы тармақтың ережелерi акцизделетiн тауарларды өндiретiн және (немесе) сататын және (немесе) импорттайтын заңды тұлғаларға қолданылмайды. 10. Жер негізгі өндіріс құралы болып табылатын немесе қызметі ауыл шаруашылығы өнімін өндіру үшін жерді пайдаланумен байланысты ауыл шаруашылығы тауар өндірушілеріне - заңды және жеке тұлғаларға, сондай-ақ өзі өндірген ауыл шаруашылығы өнімін өңдеушілерге 2000 жылғы 1 қаңтардағы жағдай бойынша жинақталған салықтар мен айыппұл санкцияларын төлеу мерзімдері, осы Заңның 152-бабының ережелеріне қарамастан, өсім есептелмей, 3 жыл мерзімге ұзартылады. Осы тармақтың ережесі акцизделетін тауарларды өндіретін және (немесе) импортқа шығаратын заңды және жеке тұлғаларға қолданылмайды. 11. Заңды тұлғалар, заңды тұлға құрмай кәсіпкерлік қызметті жүзеге асыратын жеке тұлғалар, сондай-ақ қызметін тұрақты мекеме арқылы жүзеге асыратын Қазақстан Республикасының резидент еместері 2001 жылғы 15 шілдеден кешіктірмей салық органдарына мынадай ақпаратты табыс етуге міндетті: 1) 2001 жылғы 1 шілдедегі жағдай бойынша қолда бар деп есептелетін негізгі құралдардың, материалдық емес активтердің, тауар-материалдық запастардың қалдықтары туралы мәліметтер; 2) көрсетілген күні жауапты сақтаудағы негізгі құралдар, тауар-материалдық запастар туралы мәліметтер. Аталған мәліметтерді тауарларды жауапты сақтауға тиеп жіберген салық төлеушілер де, тауарларды жауапты сақтауға қабылдаған салық төлеушілер де табыс етеді; 3) көрсетілген күні жолда келе жатқан негізгі құралдар, тауар-материалдық запастар туралы мәліметтер; 4) өнеркәсіптік ұқсатуға арналып импортталған шикізат пен материалдар, сондай-ақ 2001 жылғы 1 шілдедегі жағдай бойынша осы Заңның 71-1-бабының 1-тармағына сәйкес қосылған құн салығын төлеу мерзімін үш айға кейінге қалдыруға рұқсат берілген және салықтың кейінге қалдырылған сомасы бойынша көрсетілген күнге берешек өтелмеген импортталған су, газ және электр энергиясы туралы мәліметтер; 5) 2001 жылғы 1 шілдедегі жағдай бойынша ұйымның бухгалтерлік балансы. Осы тармақтың 1)-4) тармақшаларында көрсетілген мәліметтер осы Заңның 64-бабына сәйкес есепке жатқызылуға тиіс қосылған құн салығымен сатып алынған негізгі құралдар, материалдық емес активтер, тауар-материалдық запастар бойынша табыс етіледі. Мәліметтер Қазақстан Республикасы Қаржы министрлігінің келісімі бойынша Қазақстан Республикасының Мемлекеттік кіріс министрлігі белгілеген тәртіппен және нысанда табыс етіледі. <*> 12. 2001 жылғы 1 шілдедегі жағдай бойынша есепке жатқызылуға тиіс қосылған құн салығының сомасы есептелген салық сомасынан асып кеткен салық төлеушілер сол асып кеткен соманы осы баптың 11-тармағында көрсетілген мәліметтерге енгізілген тауар-материалдық запастардың өндірістік қызметте пайдаланылуына және (немесе) сатылуына қарай қосылған құн салығы бойынша алдағы төлемдер есебіне жатқызады. Аталған салық төлеушілер Қазақстан Республикасы Қаржы министрлігімен келісім бойынша Қазақстан Республикасының Мемлекеттік кіріс министрлігі белгілеген нысанда осы баптың 11-тармағында көрсетілген тауарлардың қалдығын пайдалану туралы мәліметтерді қосылған құн салығы жөніндегі декларациямен бір мезгілде салық органдарына табыс етеді. 2001 жылғы 1 шілдедегі жағдай бойынша жолда келе жатқан, төлемі 2001 жылғы 1 шілдеге дейін төленген, бірақ көрсетілген күннен кейін алынған негізгі құралдар, тауар-материалдық запастар бойынша қосылған құн салығы 2001 жылғы 1 шілдеге дейін қолданылған ставкаға негізделіп есептелген мөлшерде есепке жатқызылады. 2001 жылғы 1 шілдедегі жағдай бойынша жолда келе жатқан, көрсетілген күнге дейін төлемі төленбеген, 2001 жылғы 1 шілдеден кейін алынған негізгі құралдар, тауар-материалдық запастар бойынша қосылған құн салығы 2001 жылғы 1 шілдеге дейін қолданылған ставкаға негізделіп есептелген, бірақ 16 проценттен аспайтын ставка мөлшерінде есепке жатқызылады. Тәуелсіз Мемлекеттер Достастығына қатысушы мемлекеттердің берушілерімен 2001 жылғы 1 шілдеге дейін жасалған келісім-шарттар (шарттар) бойынша 2001 жылғы 1 шілдеден кейін қосылған құн салығы ескерілген бағамен алынған тауарларға (жұмыстарға, қызметтерге) қосылған құн салығы есепке жатқызылуға тиіс емес. 13. Осы Заңның 137-бабы 2-тармағының ережелеріне қарамастан, салық органының шешімімен қосылған құн салығы бойынша жоспардан тыс тексерулер жүргізіледі. ЕСКЕРТУ. 179-бап өзгертiлдi - Қазақстан Республикасының 1996.12.31. N 61-1 заңымен. Z960061_ Ескерту. 179-баптың 2-тармағы жаңа редакцияда - ҚР Президентiнiң 1995.12.21. N 2703 жарлығымен. ЕСКЕРТУ. 179-бап 2-3-тармақтармен толықтырылды, 2, 3, 4, 5-тармақтар 4, 5, 6, 7-тармақтар болып саналды, 7-тармақ жаңа редакцияда - Қазақстан Республикасының 1997.06.30. N 138-1 Заңымен. Z970138_ ЕСКЕРТУ. 179-баптың 4-тармағы жаңа редакцияда - Қазақстан Республикасының 1998.04.15. N 216-1 заңымен. Z980216_ ЕСКЕРТУ. 179-бап 4-1 тармақпен толықтырылды - Қазақстан Республикасының 1998.12.14. N 316-1 заңымен. Z980316_ ЕСКЕРТУ. 179-бап толықтырылды - Қазақстан Республикасының 1999.07.16. N 440 Заңымен. Z990440_ ЕСКЕРТУ. 179-бап толықтырылды - Қазақстан Республикасының 2000.03.29. N 41 Заңымен. Z000041_ ЕСКЕРТУ. 179-бап толықтырылды - Қазақстан Республикасының 2001.05.03. N 183 Заңымен. Z010183_