Тармақ 1. Түсiп жатқан тiркелген активтер: а) сатып алу, өтеусiз алу кезiнде, жарғылық капиталға салым ретiнде - осы Заңның 46-бабына сәйкес айқындалған құн бойынша; б) консервацияда, жаңғыртуда және олар толығымен тоқтап қалған жағдайда техникалық жағынан қайта жарақтандыруда тұрған негiзгi құрал-жабдықтар объектiлерiн пайдалануға берген кезде - баланстық құны бойынша iшкi топтардың құндық балансында ескерiледi. 2. Шығарылып жатқан тiркелген активтер: а) сату, өтеусiз беру кезiнде, жарғылық капиталға салым ретiнде - сату құны бойынша; б) негiзгi құралдар объектiлерiн уақытша консервацияға, қайта жаңғыртуға және техникалық қайта жарақтауға берген кезде, олар толық тоқтап тұрған жағдайда - баланстық құны бойынша; в) тiркелген активтердi есептен шығарған, жоғалтқан, жойған, бүлдiрген, айырылып қалған кезде, тiркелген активтер сақтандырылған жағдайда - сақтандыру ұйымы сақтандыру шартына сәйкес сақтанушыға төлеген сақтандыру төлемдерi сомасы негiзге алынып анықталатын құны бойынша iшкi топтардың құндық балансында ескерiледi. Егер сақтандыру шартына сәйкес төленуге тиiс сақтандыру төлемдерi тiркелген активтiң бөлiгiне жатса, онда шығып қалған тiркелген активтiң құны сақтандыру төлемдерi мен тiркелген активтiң сақтандырылмаған бөлiгiне жататын баланстық құнның сомасы ретiнде анықталады. Тiркелген активтердi есептен шығарған, жоғалтқан, жойған, бүлдiрген, айырылып қалған өзге жағдайларда баланстық құны бойынша iшкi топтардың құндық балансында ескерiледi. Ескерту. Жаңа 20-3-баппен толықтырылды - Қазақстан Республикасының 1999.12.10. N 492 Заңымен. Z990492_ ЕСКЕРТУ. 20-3 бап өзгерді - Қазақстан Республикасының 2001.01.23. N 147 Заңымен. Z010147_